Burela contará cun stand propio no salón turístico, que terá lugar a partir do xoves, día 30 de maio, e se prolongará ata o día 2 de xuño
O evento terá lugar a partir do xoves, día 30 de maio, e se prolongará ata o día 2 de xuño. Estará adicado á promoción das festas de interese turístico, como é o caso da Feira do Bonito de Burela.
No stand do Concello de Burela promocionarase a Feira do Bonito e os demais atractivos turísticos do municipio, e contará coa presencia da técnica de turismo para proporcionar información ás persoas asistentes a Turexpo. Tamén estará exposta unha maqueta do Barco Museo “Reina del Carmen”.
O concelleiro de Turismo, Ramiro Fernández Rey, destaca “a importancia da promoción turística, a través de iniciativas como esta, para potenciar este sector tan relevante para a nosa vila”.
“Esta é unha feira moi interesante, pola que pasa moitísima xente, e na que levamos moito tempo participando, pois é unha ocasión perfecta para dar a coñecer as atraccións turísticas de Burela”.