Hoxe levouse a cabo a representación da obra “Os soños de Adelina”, no Colexio Plurilingüe Nosa Señora do Pilar de Foz e, o día 24 de maio, será representada no auditorio da Casa da Cultura de San Cibrao , para os menos e nenas do Centro de Educación de Infantil e Primaria Península da Paz de San Cibrao- Cervo.
“Os soños de Adelina” é unha obra que serve como base para reflexionar sobre a violencia de xénero, os comportamentos machistas e os estereotipos de xénero e que nesta ocasión chegará a un plúblico de máis de 100 persoas entre o alumnado e profesorado de ambos centros educativos.
Dende a entidade continúan así a manter a relación cos centros educativos da contorna, contribuíndo a sensibilizar sobre a saúde mental, o bulling e a violencia de xénero ao tempo que rompemos as barreiras que o estigma de padecer unha enfermidade mental supón, normalizando o trato con persoas que padecen un problema de saúde mental e facendo ver as súas capacidades e potencialidades.