Burela, 23 de abril, 2024. Esta semana celébrase en Madrid a 37 edición do “Salón Gourmets”, o escaparate anual máis importante de alimentos e bebidas de alta gama. Como xa vén sendo habitual nos últimos anos, o programa de catas e degustacións dos produtos do Mar de Galicia “Galicia Sabe Amar” inclúe este mércores senllos showcooking elaborados con “Merluza D& Burela” e “Bonito D& Burela”.
A caseta da Consellería do Mar da Xunta de Galicia acolle ás 12:00h un acto dedicado á “Merluza do pincho de Burela” no que o chef Miguel F. Vidal (Restaurante Morgana, Madrid) preparará as súas receitas de pescada do pincho, especie da que a lonxa de Burela é a que presenta maior volume de descargas e facturación de toda España. O acto estará presentado polo xerente de OPP-7 Burela, Sergio López, e contará coa maridaxe dos Viños D.O. Ribeiro.
Pola súa banda, a chef Victoria Maseda (Masseda Cátering de Orixe, Madrid) preparará as súas receitas de “Bonito do Norte de Burela” noutro showcooking que se celebrará a partir das 16:30h coa maridaxe dos Viños D.O. Rías Baixas en colaboración con Armadores de Burela.
Esta presentación únese ao “Tardeo” que organizou o luns pola tarde “Pesca España” no stand de “AlimentosdEspaña” e onde tamén se degustou a receita de “Merluza de Burela, carpaccio de gamba vermella de Santa Pola, mariñeira de pemento e copos de bonito seco”, elaborada polo chef Nacho Xurelo. Un showcooking para poñer en valor a variedade, diversidade e calidade dos produtos do mar, demostrando unha vez máis que España é “O País Máis Rico Do Mundo”.
Nos últimos anos é habitual que as principais especies do Porto de Burela, especialmente a súa pescada do pincho e o bonito do norte, brillen nos mellores eventos gastronómicos do país, normalmente a través da colaboración da OPP-7 Burela e Absa dentro do programa de catas e degustacións dos produtos do mar “Galicia Sabe A-Mar” da Xunta de Galicia.
Este mesmo ano xa se puido degustar “PeixedeBurela” en eventos como Fitur, Madrid Fusión ou Galicia Fórum Gastronómico, así como noutras citas como o Campionato Internacional de Baristas coa Escola de Hostalería do IES de Foz, ou a Feira do Viño de Amandi a través da Escola de Hostalería de Rosende en Sober.
Ao longo deste ano a OPP Burela seguirá promocionando a calidade e a trazabilidade do seu “peixe” por toda España, participando en diferentes eventos a través de showcookings e maridaxes con outros produtos gastronómicos para poñer en valor a Pescada e Bonito de Burela, ademais doutras especies variadas da lonxa ABSA de Burela, como cabala, xurelo, rape, pota, peixe espada, marraxo… representando ás principais frotas locais.
Todas estas accións están cofinanciadas por Xunta de Galicia e FEMPA, incluídas no plan de produción e comercialización anual da OPP-7 Porto de Burela co obxectivo de contribuír á trazabilidade dos produtos da pesca e ao acceso dos consumidores a información clara e completa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
