O Presidente destacou que os concellos “gañarán en proximidade, transparencia e axilidade” coas accións previstas no proxecto, que empeza mañá coa realización de auditorías e estará finalizado despois do verán
Lugo, 16 de abril de 2024. O Presidente da Deputación de Lugo, José Tomé Roca, mantivo este martes pola tarde un encontro na Casa do Concello da Fonsagrada cos alcaldes da comarca da Montaña para avanzarlles que este mércores arranca a implantación do Impulsa TIC nos 52 concellos que decidiron adherirse a este novo proxecto da institución provincial. Un programa a través do que a Deputación proporcionará gratis ferramentas tecnolóxicas ás entidades locais para avanzar na súa modernización e transformación dixital, e deste xeito, mellorar a xestión municipal e ofrecer un mellor servizo á cidadanía.
Para desenvolver o programa, que estará finalizado despois do verán, a Deputación conta cun investimento de 4,5M€ de fondos que conseguiu da Unión Europea a través do Plan de Recuperación, Transformación e Resiliencia do Goberno de España.
José Tomé subliñou que con estas ferramentas e equipamentos tecnolóxicos os concellos poderán prestar un mellor servizo público aos seus veciños e veciñas, pois “gañarán en proximidade, transparencia e axilidade na tramitación e na xestión diarias”.
Incidiu o mandatario provincial en que a modernización tecnolóxica da administración “é de capital importancia para a nosa provincia porque ofrecer á xente unha atención máis áxil e ser máis útiles é un elemento esencial para poder fixar poboación no territorio, sobre todo no rural”.
O Presidente incidiu no respecto á autonomía municipal co que a Deputación desenvolve este novo proxecto, pois estivo aberto a todos os concellos de menos de 20.000 habitantes e decidiron voluntariamente adherirse 52. Ademais, foron as propias entidades locais as que lle trasladaron á institución cal é a súa situación particular en materia dixital, o seu punto de partida e as súas prioridades para, a partir de agora, proporcionarlles os recursos máis axeitados a esas necesidades específicas, que se distribuirán do mesmo xeito que o Plan Deputación, seguindo criterios obxectivos.
No acto tamén participou o Deputado de Medio Ambiente e Alcalde da Fonsagrada, Carlos López; o Deputado de Promoción Económica e Social, Pablo Rivera Capón; e os alcaldes de Navia de Suarna, José Fernández Fernández; e de Ribeira de Piquín, Roberto Fernández Rico.
Arrancan as auditorías
O responsable da sección de Novas Tecnoloxías da Deputación, Nicolás Fariña, avanzou a folla de ruta que desde a institución provincial se seguirá da man dos concellos para desenvolver os proxectos e avanzar na súa transformación e modernización dixital. Mañá mércores comezan as auditorías da situación informática das entidades locais, con visitas presenciais e telemáticas, que permitirán coñecer o estado de cada concello e detectar así os puntos a mellorar e avanzar. Unha diagnose que se volverá a repetir ao final do programa para avaliar os obxectivos acadados e o avance en dixitalización que logrou cada un dos municipios participantes.
A institución provincial ten en proceso de contratación os diferentes servizos e subministracións necesarias para a execución do Impulsa TIC por un importe que ascende a 4,5M€. Entre as accións a levar a cabo están a dixitalización do Rexistro; a integración do tramitador electrónico coa carpeta cidadá; a implantación de asistentes virtuais nas webs municipais que respondan as dúbidas dos cidadáns as 24 horas ao día; a incorporación de ferramentas de accesibilidades web para persoas con capacidades diferentes; a revisión e mellora do portal de transparencia do concello; a automatización do sistema de actas para os plenos; ou a subministración de equipamentos informáticos como ordenadores ou táblets que permitan a creación de postos de traballo intelixentes, entre outras.
Concretamente, os concellos da provincia adheridos ao Impulsa TIC son: Abadín, Alfoz, Antas de Ulla, Baleira, Barreiros, Becerreá, Begonte, Bóveda, Burela, Castroverde, Cervantes, O Corgo, Cospeito, Chantada, Folgoso do Courel, A Fonsagrada, Foz, Friol, Guitiriz, O Incio, Láncara, Lourenzá, Meira, Monforte de Lemos, Monterroso, Navia de Suarna, Negueira de Muñiz, As Nogais, Ourol, Pantón, A Pastoriza, Pedrafita do Cebreiro, A Pobra do Brollón, Pol, A Pontenova, Portomarín, Quiroga, Rábade, Ribadeo, Ribas de Sil, Ribeira de Piquín, Riotorto, Samos, Sarria, O Saviñao, Sober, Taboada, Trabada, Vilalba, Viveiro, Xermade e Xove.
Cooperación cos concellos
“Co programa Impulsa TIC estamos reforzando un dos sinais de identidade da Deputación de Lugo, como é a cooperación cos concellos, un Concello grande que coopera co resto de concellos, de maneira constante, leal e respectando a súa autonomía municipal, para que poidan prestar máis e mellores servizos aos seus veciños e veciñas”.
Neste sentido, lembrou que o Goberno provincial aposta cada ano polo Plan Deputación de Cooperación cos Concellos co que neste 2024 inxectará nos 67 municipios da provincia un total de 21.750.000€ para obras, subministracións, creación de emprego ou financiamento do SAF, entre outras moitas actuacións.
De maneira paralela, detallou José Tomé, e coa vontade de reforzar esa cooperación, “impulsamos proxectos cos que poidamos apoiar aos concellos en ámbitos máis específicos, como pode ser neste caso o da transformación dixital, aforrándolles cartose recursos”.
“Mantemos unha cooperación leal e aberta cos concellos, e respecto á súa autonomía municipal. Así é como actuamos na Deputación de Lugo. Unha maneira de actuar, que, lamentablemente, botamos de menos na Administración autonómica, pois, por regra xeral, o que fai a Xunta é cargarnos cada vez con máis competencias aos concellos, sen transferirnos os recursos económicos necesarios para poder desempeñalas. Unha situación que esperemos que cambie nesta nova etapa do Goberno galego que arrancou onte mesmo”, afirmou.
Polo que respecta á Deputación, remarcou, “o noso compromiso é seguir consolidando a cooperación cos concellos, con todos os concellos da provincia de Lugo, tal e como me comprometín cando tomei posesión como Presidente neste segundo mandato. Reforzaremos a cooperación, na medida das posibilidades e dos recursos dos que dispoñamos na institución provincial, para mellorar o día a día dos concellos e, polo tanto, dos veciños e veciñas aos que servimos, que é o noso obxectivo prioritario como Administración”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
