Os populares explican que tanto o PSOE como o BNG néganse a poñer en marcha campañas de captación de investimentos a través da busca activa de empresas e emprendedores para o seu asentamento nas 130 parcelas que hai baleiras nos polígonos industriais provinciais
Lugo, 30 de abril de 2024. “Unha vez máis vemos como a preocupación por xerar emprego e riqueza na provincia son palabras baleiras para PSOE e BNG”. Así se expresaba o voceiro provincial popular, Antonio Ameijide, ao remate do pleno de hoxe no que José Tomé e os seus socios de goberno votaron en contra dunha moción do PP para que a Deputación puxese en marcha un plan de impulso dos polígonos industriais da súa titularidade na provincia.
Dende o Grupo Provincial Popular defenderon que “ningunha administración pode facer nada por si soa, polo que se precisa unha colaboración interinstitucional” pero “non é menos certo dende o PSOE e o BNG na Deputación de Lugo están a poñer paos nas rodas” de calquera que quere poñer en marcha unha actividade ou ampliar unha xa existente.
Ameijide explica que son necesarias campañas de captación de investimentos a través da busca activa de empresas e emprendedores para o seu asentamento nos poucos polígonos industriais que José Tomé comprometeu na provincia e se materializaron (hai 29 convenios asinados, pero so 8 polígonos rematados), ademais de medidas que poderían pasar polo estudo de posibles bonificacións do prezo ou outros incentivos para a venda de parcelas.
Durante o debate, o voceiro popular puxo varios exemplos de trabas ao asentamento de empresas na provincia, como é o caso de Altri ou que tanto PSOE como BNG van contra a Lei do Litoral, na que o Tribunal Constitucional vén de dar á razón á Xunta de Galicia. “Se por eles fora, habería que pechar e derrubar todas as empresas que hai xa nas costas galegas”, sentenciou.
Ademais, “como é lóxico” tamén defendíamos que a Deputación de Lugo construíse os polígonos industriais comprometidos nos diferentes concellos da provincia.
DEFENSA DOS TRABALLADORES DO SECTOR DA LIMPEZA
Dende o Grupo Popular valoraron positivamente a unanimidade acadada para que a Deputación de Lugo estudase as posibilidades legais e convencionais de aprobar un convenio propio do sector da limpeza da Deputación Provincial de Lugo, algo que se aprobou no pleno do mes de marzo no Concello de Lugo, tamén a instancias do Partido Popular.
Os populares destacan a importancia deste acordo para poñer en valor os dereitos laborais dos traballadores deste sector que realizan un labor fundamental para garantir a seguridade e hixiene dos espazos públicos. “Damos un paso máis na defensa destes traballadores despois de que hai uns días, e tamén a iniciativa do PP, no Concello de Lugo aprobábase tamén por unanimidade unha para estudar que o persoal das empresas que se encargan da Iimpeza dos edificios municipais conten cun convenio propio”, destacou.
MARCHA DO CRAEGA DE MONFORTE
Antonio Ameijide tamén valorou a postura tomada polo Grupo Provincial do PSOE que, de dúas mocións que puideron rexistrar no pleno unicamente optaron por unha e “non era en prol do beneficio da provincia e dos lucenses”.
Os deputados socialistas defenderon unha iniciativa coa que pretendían que o voceiro provincial popular pedise desculpas por “traballar en beneficio dos veciños da provincia e de Monforte para evitar que o CRAEGA marchase da cidade do Cabe”.
“É unha mágoa ver como o ego comeu á persoa e ao político e, en lugar de defender os intereses xerais de todos os veciños de Lugo, José Tomé unicamente preocúpase por defender a súa imaxe persoal e a mostra é esta iniciativa que hoxe defenderon”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
