Os mariñaos puideron levar o triunfo no treito final cun lanzamento ao traveseiro de Malaguti e un remate no segundo pau de Álex García
Burela, 6 de abril, 2024. O conxunto masculino do Pescados Rubén Burela non puido pasar do empate (1-1) na visita do pechacancelas da Segunda División, un Praias de Castellón que demostrou estar no seu mellor momento da tempada e que non se amedrentou en ningún momento en Vista Alegre. Aínda que os burelistas non estiveron excesivamente cómodos en varios tramos do partido, puideron facerse cos tres puntos nos minutos finais cun remate ao traveseiro de Malaguti e outra acción no segundo pau de Álex García.
O encontro comezou con moita igualdade e os visitantes adiantáronse aos catro minutos cun tanto do xaponés Gensuke, que remataba de cabeza no segundo pau un saque de banda executado polo exburelista Deco. Co tanto, os mariñáns incrementaron o seu dominio diante o marco dun Manu Aguayo que completou un grandísimo partido e que repeleu todos os ataques do cadro laranxa na primeira metade ata o minuto 18. Nese intre chegou o tanto do empate, obra de Álex García. O manresano, nunha acción individual, marchábase de Ramón Vargas e batía ao meta da Plana cun disparo cruzado pegado ao pau.
Tras o descanso, o conxunto burelense engarrafou ao cadro castellonese e dispuxo de varias ocasións con lanzamentos desde a distancia e un de Malaguti que quitaba cun pé abaixo Manu Aguayo. Non atoparon o premio os de David Rial á súa insistencia e preto do ecuador do segundo tanto igualábanse de novo as forzas, aínda que ao Praias de Castellón xa lle custaba moito xerar perigo sobre a portería defendida por Kaluza.
Co tanteador igualado entrouse no último cuarto de partido, no que os locais volveron incrementar a presión sobre un rival que empezaba a conformarse co empate. Cando restaban cinco minutos e medio para o final, o Pescados Rubén Burela tivo nos pés de Malaguti a mellor ocasión da segunda metade. O benaventano remataba con potencia sobre a meta castellonense, pero o balón pegaba primeiro no traveseiro e posteriormente sobre a liña.
Os mariñáns buscaron o tanto da vitoria con Ismael como porteiro xogador nos dous últimos minutos e medio de partido e tiveron o segundo a medio minuto do final, cun balón ao segundo pau para Álex García. O catalán rematou como puido un esférico que se lle quedou un pouco atrás e Manu Aguayo chegaba xusto para evitar sobre a liña o gol.
A pesar do empate, os burelistas serán matematicamente equipo de play off este sábado se o Sala 5 Martorell cae derrotado na súa visita á pista do líder, o Wanapix Salga 10 Zaragoza. No momento de enviar esta crónica, os maños vencían por 3-0.
Ficha Técnica Pescados Rubén Burela FS 1-1 Playas de Castellón
Pescados Rubén Burela FS (1): Kaluza; Lucho, Isma, Rikelme, Ismael -quinteto inicial-, Pitero, Charly, Alberto, Flethes, Malaguti, Quelle e Álex García.
Playas de Castellón (1): Manu Aguayo; Éric, Deco, Gensuke, Vargas -quinteto inicial-, Lorca, Noel, Pedro García, Cola, Alamikkotervo, Sergio, e Guancho.
Goles: 0-1, min. 4: Gensuke. 1-1, min. 18: Álex García.
Árbitros: Ander Garrido e Borja Reguera (Colexio Vasco). Amoestaron aos locais Isma e Rikelme, así como aos visitantes Guancho e Cola.
Incidencias: Encontro da 26ª xornada disputada no pavillón de Vista Alegre diante duns 600 espectadores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
