Lémbranlle que na súa etapa de 12 anos como concelleiro de medio ambiente, non realizou un só traballo na zona da fraga e a súa contorna
Barreiros, 16 de abril de 2024. O goberno municipal de Barreiros acolleu con sorpresa as críticas realizadas polo portavoz da oposición sobre os traballos pendentes na zona do Santo Estevo do Ermo, tendo en conta que as fai quen nunca se preocupou por investir alí un euro.
As actuacións de adecentamento realizaranse cando o tempo meteorolóxico permita actuar con seguridade e eficiencia, tendo en conta que se trata dunha zona moi húmida e de gran sensibilidade.
Desde o goberno municipal manifestan que, efectivamente, son necesarias tamén campañas de concienciación medioambiental e a moitos niveis. O que é sorprendente, afirman desde o goberno, é que “quen foi concelleiro de Medio Ambiente durante 12 anos, se acorde de propoñelas agora, 5 anos despois de abandonar o goberno.” E recoméndanlle así mesmo “que se conciencie el sobre correcto e legal funcionamento dunha administración local, na que as cousas se fan con criterios, con planificación e atendendo a prescricións técnicas e administrativas, porque no seu desgraciado paso polo goberno municipal de Barreiros, el máis ben fixo gala de todo o contrario”.
Lembran que “este goberno municipal foi o único que realizou obras de mantemento e adecentamento da zona do Santo Estevo desde a súa adecuación a finais dos 90. Saberá o portavoz da oposición que mentres el foi concelleiro de medio ambiente e, polo tanto, responsable directo da zona, tanto as labores de desbroce como as de investimento eran realizadas por asociacións coa axuda da Deputación de Lugo, sen recibir axuda ningunha do Concello. Cando Gómez Puente deixou a concellería de medio ambiente, as varandas de protección quedaban apodrecidas, as pasarelas sen mecanismos de seguridade e a zona sen sinalización algunha de normas e riscos”.
“Non nos vai dar leccións de como actuar na zona e de realizalo desde parámetros técnicos e de prudencia, xa que leva anos actuándose dun xeito planificado para que os traballos que se realizan sexan o máis eficientes posibles”.
A alcaldesa lembrou que baixo o mandato do goberno actual “adecuáronse os accesos, sobre os que se realizan traballos de mantemento todos os anos; repuxéronse varandas e elementos de seguridade; dotouse a zona de indicacións e información sobre riscos e realizouse unha divulgación do espazo poñendo en valor o seu contido patrimonial e natural e evitando converter un espazo de tan alto valor para toda a poboación nun mero lugar visitable exposto a un uso superior ao que debe asumir pola súa fraxilidade”.
Todo iso, ao igual que a mellora dos accesos foi realizado por este goberno municipal, atendendo á sensibilidade da zona e ás necesidades existentes. Estes dous aspecto son os que deben determinar calquera actuación que se leve a cabo nun espazo que é de alto valor ambiental e no que debe respectarse un modo de intervención extremadamente cauteloso, sempre baixo parámetros técnicos e de boa execución. “Xa sabemos que a preocupación do portavoz do Partido Popular polo Santo Estevo, que parece visitar con pouca frecuencia, lle xurdiu desde que deixou de ter responsabilidades de goberno, como na maioría de cuestións sobre as que amosa un descoñecemento preocupante para quen ocupou postos de goberno durante 16 anos e aspira a dirixir este Concello”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
