Ribadeo, 11 de abril de 2024. Musicais, concertos, teatro, exposicións, Cantos de Taberna e as Letras no Campo son algunhas das propostas culturais de Ribadeo para o segundo trimestre do ano. A axenda foi presentada pola concelleira de Cultura, Begoña Sanjurjo.
A edil lembrou que “xa comezamos a axenda cultural do 2º trimestre disfrutando esta primeira fin de semana de abril da música e dos monólogos. E seguiremos disfrutando das audicións da EMMeD. Ao longo das diferentes semanas o alumnado e o público xeral pode asistir a interpretacións variadas, de corda, vento metal, acordeón, música tradicional, danza , piano, canto e guitarra…para rematar no mes de San Xoán co festival de fin de curso”.
Begoña Sanjurjo contou que “á música tradicional e á que dedica a Asociación Amigos da Gaita o seu festival infantil para as diferentes exhibicións do seu alumnado.
Contaremos tamén en maio cun musical que percorre os éxitos dos 80 e 90, e con Coco para os pícaros e pícaras. A parte audiovisual é especialmente importante noutra obra musical Unha noite na eira do trigo, que nos leva a recoñecer os sentimentos da emigración. Audiovisual e musical é tamén a proposta Seis, Lorca en Galicia, de Rafa Fernández, que homenaxea aos poemas escritos en galego por García Lorca”.
A concelleira de Cultura seguiu a relatar que “Emilio Rúa ofrecerá un concerto a principios de xuño, a BMMR o seu tradicional do Día das Letras Galegas e no mes de xuño poderemos escoitar á Banda de Música do Tercio Norte da Armada. O protagonismo da música vai ter tamén no ciclo Domingueo en Ribadeo, dous por mes para animar os vermús dos domingos. E os cantos de taberna que serán o 18 de maio”.
O teatro tamén estará presenta na axenda cultural de Ribadeo para este trimestre: “en teatro afeccionado rematará neste trimestre o percorrido que o grupo de teatro A Adala, de Fazouro, leva facendo polas parroquias coa función Marina Club. Lembramos tamén que todos os luns, en Vilaselán e As Anzas reúnese a veciñanza nas sesións de música e teatro no Argadelo que dirixe Mano Panforreteiro. Mostra de teatro profesional teremos este mesmo domingo coa compañía madrileña La Escalera de Tijera e a súa proposta de teatro xestual, commedia dell’arte e música en vivo El Busclown, de Quevedo. Tanto esta peza teatral como a dedicada a Lorca, da que xa falei, forman parte do noso ciclo O Concello cos Coles con participación do alumnado doa centros de ensino de Ribadeo. Do mesmo xeito a tradición dos maios chegará tamén ás escolas da man de Tecedeira”.
E engadiu que “tamén podemos incluír neste apartado unha iniciativa nacida no Centro de Día A Concordia coa colaboración do profesorado e alumnado do ciclo de Infantil do CIFP Porta da Auga: Os anos que achegan. É unha actividade interxeracional que supón o vínculo guiado entre as persoas usuarias do centro de día e alumnado de infantil e primaria de Ribadeo”.
Begoña Sanjurjo referiuse tamén á presentación de libros: “temos que dicir que a partir de agora o sitio elixido para estas propostas vai ser a biblioteca municipal El Viejo Pancho. Comezamos este mesmo sábado coa obra do profesor Antonio Gregorio Montes, A temperie ribadense no século XXI (ata 2023), da man dunha editorial nova e ribadense, Eoditorial”.
A concelleira de Cultura contou que “no apartado de exposicións poderemos ver os traballos de pirogravado do noso veciño Antonio Martínez López na oficina de Turismo e comezaremos a celebrar o centenario da morte do Viejo Pancho cunha exposición preparada polo alumnado e profesorado do obradoiro de emprego e que achegará esta figura á veciñanza de todas as idades. Ademais de todo o exposto hai eventos que disporán dunha programación e dunha difusión propias como a Romaxe das Cruces, a celebración do Día do Orgullo ou Letras no Campo, a nosa feira do libro, que nesta edición desenvolverase entre o 24 e o 26 de maio”.
Sanjurjo agarda que “lles interesen as nosas propostas para o trimestre, seguro que hai aínda algunha sorpresa máis. Vémonos nos espazos da cultura”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
