Será o vindeiro mércores, ás sete da tarde, no salón de actos do Hospital da Mariña
Burela, a 15 de abril de 2024. A Asociación Esperanza de loita e apoio contra o cancro organiza para o vindeiro mércores dezasete, en colaboración con Somos unidos por el cáncer, o bufete especializado en discapacidade Fidelitis, e o Hospital da Mariña, unha charla-coloquio que tratará dos dereitos laborais das personas con cancro. A charla será ás sete da tarde no salón de actos do Hospital da Mariña, e será impartida polo abogado Lorenzo Pérez Menéndez, presidente de Fidelitis e avogado especialista en dereitos no eido da seguridade social.
Fidelitis é un despacho de abogados con máis de quince anos de antigüidade, con sede en Madrid, especializados en asuntos vencellados cos dereitos sociais e laborais das persoas enfermas e tamén coa discapacidade, e co seu recoñecemento ou os posibles problemas laborais que poidan xurdir derivados da mesma.
Somos unidos por el cáncer, un colectivo formado na cidade de Lugo hai dez anos, tén como obxectivo axudar transversalmente ás persoas e familias afectadas pola enfermidade. Entre os seus logros máis importantes destaca a posta a disposición, na cidade de Lugo, dun piso para que enfermos e familiares que precisen tratamentos máis ou menos prolongados poidan aloxarse de xeito gratuito.
Dende Esperanza consideran que o tema central da charla é de suma importancia, xa non só para as persoas enfermas de cancro en idade laboral e as súas familias, senon para a poboación en xeral, xa que o cancro non escolle nin idades, nin situacións familiares e tampouco situacións laborais. Polo tanto animan a veciñanza burelá a acudir a esta charla-coloquio, impartida por Lorenzo Pérez, un dos primeiros avogados que hai máis de quince anos empezou a traballar no eido dos dereitos laborais e sociais das persoas enfermas ou con discapacidade.
Esperanza quere agradecer a Somos unidos por el cáncer, a Fidelitis e ao Hospital da Mariña a oportunidade de organizar un acto coma este, acto que agardamos que serva para clarificar aspectos vencellados cos dereitos sociais e laborais das persoas enfermas de cancro. Así damos un paso máis para loitar contra esta enfermidade e os seus efectos, ás veces devastadores.
ENTREGA DE DONATIVO A SOMOS UNIDOS POR EL CÁNCER
Aproveitando a charla-coloquio sobre os dereitos laborais e sociais das persoas enfermas de cancro, e en virtude do acordo adoptado recentemente pola asamblea xeral de socios de Esperanza, a asociación faralle entrega a Somos unidos por el cáncer, na persoa do seu presidente, José Manuel Vázquez, dunha aportación económica de 2.000 euros. Esperanza é consciente de que esta aportación é limitada pero confía que serva para que Somos continúe co seu traballo en favor das persoas enfermas de cancro e dos seus familiares.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
