“Está nas mans da Xunta admitir esta modificación, que permitirá crear unha cidade máis sostible, ao tempo que suporá un gran beneficio para todas as veciñas e veciños de Viveiro”, explica Míriam Bermúdez
Viveiro, 24 de abril de 2024. A concellería de Mobilidade, en colaboración coa empresa de autobuses de Viveiro, xa ten deseñada e definida unha modificación das frecuencias, paradas e rutas para un servizo de transporte máis útil e eficiente.
“Esta modificación permite crear un bus circular que conectará cunha frecuencia de 30 minutos os tres principais núcleos do concello: Covas, Viveiro e Celeiro”, explica Míriam Bermúdez, tenenta de alcaldesa e responsable de Mobilidade.
A ruta leva o nome de Escourido-Naufrago e funcionará desde as 07:30 horas até as 20:30 horas de luns a sábado, e os domingos das 18:00 horas ás 21:00 horas.
Tamén hai prevista coa nova modificación unha ruta dende o lugar da Igrexa en Valcarría, pasando por San Pedro, Landrove, Magazos, Xunqueira, Viveiro centro e Viveiro estación de autobuses.
Esta ruta conecta e permite trasbordo para ir até Covas ou Celeiro, de luns a venres desde as 07:45 até as 20:00 horas, en frecuencias de 30 minutos.
Todas as parroquias de Viveiro tamén contan con liñas que os comunican con Viveiro e que poden consultarse na Estación de Autobuses ou na web https://www.autobusesdeviveiro.es/
En todo caso, “este é un proxecto que pode revisarse e ampliarse, por exemplo en verán para crear o bus da praia que nos leve a Area”, engade Bermúdez.
O billete tería un prezo de 1,55€, e serían aplicables todas as tarxetas con descontos da Xunta, como as dirixidas á mocidade ou a persoas maiores.
“O proxecto que permitirá poñer en marcha estas rutas, está presentado na Consellería de Mobilidade dende principio do mes de abril, polo que está nas mans da Xunta admitir esta modificación, que permitirá crear unha cidade máis sostible ao tempo que suporá un gran beneficio para todos as veciñas e veciños de Viveiro”, explica Míriam Bermúdez.
“Este proxecto vai supoñer un cambio de hábitos para a veciñanza, pero será un cambio a mellor, polo que agardamos que as veciñas e veciños lle dean un amplo uso”, conclúe.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
