O deputado de Rural felicitou á organización polo corenta aniversario dunha feira, “un sinal de identidade e motivo de orgullo” para a veciñanza de Muimenta e da contorna
Lugo, 5 de abril de 2024. O deputado de Rural, Mar e Mocidade Daniel García e a deputada de Cultura Iria Castro participaron esta tarde na inauguración da XL Mostra Exposición de Muimenta – MOEXMU, que se celebra desde hoxe ata o domingo no recinto feira “Manuel Vila López”.
Os responsables provinciais percorreron a exposición de gando e interesáronse polos certames de Xóvenes Preparadores de Gando e de Gando de Raza Fisona ou pola Poxa de Gando Selecto, que se desenvolveron durante a tarde, xunto á lectura do pregón a cargo de Carlota López Pardo, vicepresidenta do Grupo ARESA.
Daniel García felicitou á organización “polo corenta aniversario dunha feira que conta co aval do sector pero que, sobre todo, conta co apoio da veciñanza de Muimenta e da contorna, que sente a Moexmu como un sinal de identidade e motivo de orgullo” . Tamén destacou “a importancia destas citas gandeiras para dinamizar o sector, trasladar á sociedade en xeral o valor social, ambiental e cultural da gandería”.
A Vicepresidencia da Deputacíon de Lugo colabora coa organización da Moexmu a través das areas de Cultura e Rural, achegando animacion musical, coa actuación de Asubios da Chaira, que ambientaron a inauguración, e os premios para os gañadores do Certame de Xóvenes Manexadores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
