Con esta nova infraestrutura mellorarase a calidade da auga da nosa ría, o servicio de saneamento e depuración e sacarase a depuradora da zona portuaria que causaba moitas molestias e, ademais, era unha petición das asociacións veciñais
Foz, 19 de abril de 2024. O voceiro do Partido Popular de Foz, Javier Jorge Castiñeira, mostrase satisfeito polo comezo das obras da nova depuradora que di “é o resultado de moitos anos de traballo e de política útil”. Unha infraestrutura que se ubicará na Granda de Forxán e os populares agradecen á Xunta de Galicia que a financia con máis de 12 millóns de euros con fondos europeos.
“Trátase dunha obra importantísima para o noso concello e desde o PP de Foz loitamos por ela cando estabamos no goberno xestionando este asunto, tratando de acadar un consenso para a nova ubicación e, despois de moito traballo, buscar financiamento e levar a cabo o proceso de tramitación e, tamén, desde a oposición; e, dende logo, reiteramos o noso agradecemento á Xunta de Galicia polo seu compromiso durante todos estes anos”, valora Jorge Castiñeira.
Con esta nova infraestrutura mellorarase a calidade da auga da nosa ría, o servicio de saneamento e depuración e sacarase a depuradora da zona portuaria –unha das zonas turísticas de Foz- que causaba moitas molestias e, ademais, era unha petición das asociacións veciñais.
Estas obras consistirán, ademais da construción da nova depuradora, en toda a canalización e na construción dun pozo de tormentas na zona portuaria que bombeará todo o caudal ata a nova estación depuradora, o que será moito máis eficaz, e na construción dun emisario que alonxará as augas residuais da zona costeira.
“Dende logo que desde o PP de Foz estamos moi contentos e moi satisfeitos pois entendemos que con esta obra comeza unha nova etapa na modernización do noso concello”, finaliza o voceiro popular focense, Javier Jorge Castiñeira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
