No pleno ordinario que se celebrará hoxe en Foz o equipo de goberno leva, entre outros asuntos, un recoñecemento extraxudicial de crédito de 287.000 euros con 217 facturas, gran parte delas con reparos de intervención
Foz, 2 de abril de 2024. O PP de Foz sinala que as rectificacións de Cajoto volven a demostrar o seu desastre na xestión. “Examinando a orde do día e a documentación do pleno ordinario do mes de marzo, que se celebrará no día de hoxe, podemos dicir unha vez máis que volvemos a un pleno desastre, cheo de modificacións de asuntos xa debatidos con anterioridade e que se lle fixera caso ao Partido Popular xa estarían resoltos”, lamenta o voceiro do PP de Foz, Javier Jorge Castiñeira.
Así, o equipo de goberno leva a esta sesión plenaria, entre outros asuntos, un recoñecemento extraxudicial de crédito de 287.000 euros con 217 facturas, gran parte delas con reparos de Intervención. Este recoñecemento sumase aos xa feitos durante todo este ano e estase arredor dos 650.000 euros que van a ir a cargo do orzamento do 2024 e desde o PP de Foz anticipan que van a desestabilizar o orzamento deste ano.
“Non vale de nada aprobar uns orzamentos se os descadras xa no primeiro trimestre”, valora Jorge Castiñeira.
Outras modificacións
O PSOE e os seus socios do BNG tamén levan a pleno a modificación da licitación do contrato da auga, o cambio da ordenanza das taxas de ocupación das terrazas e a modificación da licitación do contrato do Bar Naútico.
En canto á licitación do contrato da auga, proceso que leva máis de 5 anos para que se resolva, tal e como lle dixo o Partido Popular ao equipo de goberno, o estudo de viabilidade non estaba correctamente feito. No caso da ordenanza das taxas de ocupación das terrazas, o PP no seu día anticipou que era moi lesiva para a hostalería e agora o equipo de goberno lle ten que facer caso ás alegacións presentadas polos hostaleiros. E, por último, respecto a licitación do contrato do Bar Naútico quedou deserto xa que as condicións que se propoñían non eran atractivas como, tamén, xa lle había dito o Partido Popular ao señor Cajoto e aos seus socios.
“Son procesos que se están alongando no tempo pola pouca capacidade de escoitar do equipo de goberno, especialmente do señor Cajoto, e están nas actas dos plenos que o PP de Foz lle vén anunciando os resultados destas malas xestións”, finaliza o popular Javier Jorge Castiñeira.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
