Este consello estaría formado por un representante de cada grupo municipal, a cronista oficial, a directora do Museo Provincial e representantes de asociacións culturais e veciñais
Burela, 2 de abril de 2024. O Concello de Burela celebrará este xoves, día 4 de abril, un novo pleno ordinario. Entre os puntos que se debatirán nel está o da creación dun Consello Local de Memoria Histórica.
Este consello estaría formado por un representante de cada grupo municipal, a cronista oficial de Burela, a directora do Museo Provincial e un representante de cada unha das seguintes asociacións: Asociación de Veciños O Vencello, ACRM Ledicia e ACSR de Xubilados do Mar, Familiares e Afíns A Moncloa.
O obxectivo desta iniciativa, explica a alcaldesa Carmela López, é “dar cumprimento normativo ás políticas de memoria colectiva, asentándonos nun profundo espíritu participativo”.
Outro dos puntos do día é a bonificación do ICIO (Imposto de Construcións, Instalacións e Obras) á Confraría de Pescadores de Burela en dúas obras: a rehabilitación da envolvente da nave de redes xa realizada e a obra ‘Pinturas na fachaza: un mar de artistas’, aínda por realizar.
“Esta proposta de bonificación débese ó papel fundamental do sector pesqueiro na historia e na economía local, que fai que consideremos que é de gran importancia axudar á Confraría de Pescadores na realización destas obras”, apunta López.
Tamén se debatirá o Plan Normativo 2024, que contén as iniciativas legais regulamentarias que se busca que sexan aprobadas. “Somos un equipo de goberno que, dende que comezou, está revisando todas as ordenanzas municipais e aprobando e creando algunhas novas como a de tráfico, a de terrazas ou a do mercado”, destaca a rexedora.
Así mesmo, debatirase a modificación das ordenanzas fiscais de saneamento e sumidoiros, que implicará unha actualización das tarifas de auga e saneamento, que levan conxeladas dende o ano 2020.
Aínda que o contrato do servizo indica que esta tarifa debe estar vencellada ao IPC, o goberno municipal decidiu conxelala en 2020 para evitar a subida da mesma no contexto da pandemia de covid 19, asumindo dende entón o concello o pago da subida.
“Decidimos conxelar as subidas nos anos da pandemia polas dificultades que estaban a pasar a veciñanza e as empresas, intentando axudar a superar esa crise da mellor maneira posible”, apunta o concelleiro de Obras, Ramiro Fernández Rey. “Porén, era unha cuestión necesariamente temporal, e, por responsabilidade, temos a obriga de ir actualizando esas taxas ó IPC tal e como marca o contrato coa concesionaria, sempre procurando que isto afecte o mínimo posible á veciñanza”, engade.
Fernández Rey explica que “estaba pendente a regularización desta situación, e a empresa propuxo unha subida do 17%, que sería o que correspondería legalmente, pero negociamos con eles dende o Goberno municipal para reducir finalmente esta porcentaxe á metade”.
“A subida terá un impacto moi pequeno na factura da auga, en promedio será de arredor de 2,5 euros cada dous meses, máis ou menos 20 euros máis ao ano no recibo medio”, destaca o edil.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
