A actividade na que participan 200 escolares de primaria de oito centros educativos da provincia forma parte do programa IlustrarNÓS da área de Cultural
Lugo, 19 de abril de 2024.A Vicepresidencia da Deputación, a través da área de Cultura, impulsa un ano máis o programa IlustrarNÓS, unha actividade coa que achegar a ilustración aos centros escolares de primaria e secundaria da provincia a través do fanzine, así como para fomentar a creatividade e achegar ás xeracións máis novas o traballo de creadoras e creadores galegos neste eido. Esta semana o obradoiro realizouse co estudantado do CPI de Castroverde, o CEIP Santa María, da Fonsagrada e o CEIP Concepción López Rey, de Baleira
A deputada de Cultura, Patrimonio Histórico Artístico e Normalización Lingüistica, Iria Castro destacou o valor educativo deste programa que continúa percorrendo a provincia e achégase a máis de 200 alumnos de oito centros de ensino da provincia. “Trátase dunha actividade que tras varias edicións esperta gran interese no alumnado, polo que o noso obxectivo e que continúe medrando e que achegue os coñecementos artísticos da ilustración a través das súas diferentes perspectivas”, afirmou.
7H Corporativa Cultural foi a encargada de dar esta formación na que explicou ao alumnado o proceso de creación desta arte, desde a concepción da idea ata a súa concreción, abordando as posibilidades narrativas e plásticas que ofrece este xénero. Tras unha primeira toma de contacto co fanzine, os alumnos e as alumnas póñense na pel dos ilustradores e elaboran o seu propio traballo.
A vindeira semana será a quenda do alumnado do CEIP Virxe da Luz, de Portomarín e o CPI de Cervantes, será o 29 dea abril cando se peche este ciclo no CEIP de Albeiros, de Lug. Anteriormente a Vicepresidencia achegou estes obradoiros ao CEIP Terra Chá, de Vilalba e o CPI Dr. López Suárez, de Friol.
Centros de ensino secundario e murais
O estudantado de secundaria tamén se formou a través de charlas a cargo da ilustradora lucense Rebeca Losada en catro centros educativos da provincia. Trátase do estudantado do IES Pedregal de Irimia, de Meira; o IES de Becerreá e, en Lugo, o IES Lucus Augusti e a Escola Superior de Arte e Deseño.
Na terceira edición do progama IlustrarNÓS tamén se inclúe a elaboración de murais homenaxe a Chichi Campos, ao que Galiza lle adicou en 2024 o Día da Ilustración, e Castelao, referente da ilustración do país, en espazos educativos. Sandra Lodi, As Vacas Fracas e Cecilia Salinas elaborarán os 9 murais que se proxectan en centros repartidos polas diferentes comarcas da provincia.
Outras actividades
Ata o 6 de maio o estudantado de centros públicos da provincia pode participar na III edición do Certame Escolar de Ilustración, convocado pola Vicepresidencia da Deputación de Lugo no marco do programa IlustrarNÓS, que pretende fomentar a creatividade e contribuír ao coñecemento das artes e artistas gráficos entre as xeracións máis novas.
A convocatoria diríxese a alumnas e alumnos de 5º e 6º de Primaria, Secundaria, Bacharelato e ciclos formativos, que deberán realizar ilustracións arredor da temática “festa”, representando graficamente vivencias, reflexións ou emocións relacionadas con celebracións e conmemoracións.
Iria Castro explicou que “a participación no certame se articula a través dos centros educativos que xa dispoñen das bases e fichas de inscrición” e lembrou que “na última edición se presentaron ao certame máis de 250 traballos, confirmando que se trata dunha iniciativa que permite traballar a expresión artística nas aulas e achegar ao alumnado a artistas referenciais neste ámbito como o propio Chichi Campos”.
Os traballos deben remitirse ao enderezo certame.ilustrarnos@gmail.com, a través dos centros educativos. Un xurado composto por persoas relacionadas co mundo da cultura, da edición, da ilustración e da docencia valorará as obras, tendo en conta aspectos como a relación da ilustración co tema proposto, a orixinalidade e creatividade na interpretación do tema ou a técnica e composición.
As autoras e autores das mellores ilustracións de cada categoría recibirán como como premio unha tablet con aplicacións de deseño gráfico e unha colección de libros ilustrados (álbum, banda deseñada, novela gráfica etc.).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
