A Mariña, 6 de abril de 2024. A Mariña estará presente no Fórum Gastronómico de Galicia, que se celebrará na Coruña do 7 ao 9 de abril. Deste xeito o xeodestino avanza cara a súa estruturación e consolidación como destino gastronómico de Galicia.
A presidenta da Mancomunidade, Rocío López, indicou que “contaremos cunha presenza destacada no maior evento gastronómico profesional do norte de España, o Forum Gastronómico, que se ven celebrando desde o ano 2008 na Coruña. Este punto de encontro imprescindible para os profesionais do sector, contará nesta edición, cunha sólida presenza da gastronomía da Mariña e os diversos axentes que conforman conxuntamente a súa cadea de valor, desde produtores hasta hostaleiros”.
Tania Hermida, a xerente do Plan de Sostibilidade Turística, explicou que “entre as asistencias mariñáns estarán Alejandro Balseiro -do resaturante Nito- nunha das sesións de cociña no autidotiro principal; Javier Montero e Tita Iglesias formarán parte dunha mesa redonda sobre formatos de negocio; o xurado do Concurso de Pulpeiras contará entre os seus membros coa presencia de Mar Orosa, do resaturante El Oviedo; o restaurante Rías Altas é finalista no Concurso de Empanadas, e a Merluza do Pincho de Celeiro, recibirá o Premio Picadillo na categoría do Mar”.
E engadiu que “nos diversos stands do Foro terán presencia produtos e produtores moi significativos da nosa terra como a Faba de Lourenzá coa Cooperativa Terras da Mariña, o Porco Celta e a Cachena de Celtagal con Nando López, a mel mariñá da man de Javier Carreiras, de O Poder das Flores, ou o tostadeiro de café de especialidade co equipo de Urban Coffee Roasters”.
A gastronomía da Mariña estará representanda dun xeito moi especial o martes 9 ás 10:30 horas na mesa redonda dedicada aos colectivos gastronómicas de Galicia moderada por Iñaki Gaztelumendi e na que participará Mar Orosa, como portavoz do Colectivo de Gastronomía da Mariña, en proceso de creación e que xurde no contexto do Plan Director de Turismo Gastronómico da Mariña ao abeiro do Plan de Sostibilidade Turística no que desde a Mancomunidade se segue a traballar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
