Sen pasado non habería presente e sen presente non haberá futuro.
Acisa Ribadeo cumpre 35 anos traballando co mesmo obxectivo, o fomento da economía e mantendo a Ribadeo coma a vila de referencia no Occidente asturiano e na Mariña Lucense e faino recordando palabras do ex presidente Pablo Vizoso que hoxe en dia seguen sendo dous piares fundamentais para esta asociación: “Para Ribadeo la mejor industria fue, sin duda, el Puente de los Santos” e tamén era un firme defensor do asociacionismo “Es muy importante tener una voz que aglutine a todo el comercio”.
35 anos de largo traballo que Acisa arrincou desde a inauguración da Ponte dos Santos, co obxectivo claro de captar mais clientes de Asturias, ese foi o inicio desta asociación, constituída o 30 de maio de 1989, aproveitando un pequeno grupo de empresarios e comerciantes que xa estaban traballando na promoción da vila pola súa conta.
Os inicios da actividade ían dirixidos a promocionar Ribadeo ante a súa nova zona de influencia, Asturias. Non deixa de ser curioso, como 35 anos despois Acisa ten os mesmos obxectivos. Os tempos cambian, pero ás veces as necesidades seguen. Daquela xa se asistía a Fitur e mais á Casa de Galicia en Madrid, cos mesmos obxectivos polos que se vai agora: por en valor o que Ribadeo pode ofrecerlle á xente que nos visita.
Tras o nacemento de Acisa creouse a figura do Centro Comercial Aberto, deste xeito o comercio minorista tiña dentro da patronal o seu propio espazo con actividades, dende concursos e sorteos, a formación, modernización….. Anos despois creouse Ribadeo Hostalaría, a sección coa que se elaboran campañas propias para o sector, entrega de materiais, etc.
Outro feito moi relevante da historia de Acisa e da consolidación de Ribadeo como vila comercial foi a peatonalización das rúas comercias, grazas en boa parte ás axudas obtidas pola asociación e que hoxe en dia tanto propios coma estraños recoñecen coma un logro.
Non se pode falar de comercio en Ribadeo, sen falar do privilexio do que goza a nosa vila de abrir os domingos polas mañás, avalado por unha Real Orde e acordado no Concello de Ribadeo no 1949, feito que marcou e marca dun xeito moi especial a diferenza entre Ribadeo e o resto de municipios cercanos e que segue sendo un atractivo mais para os nosos visitantes.
Nos últimos tempos pódese ver unha Acisa mais activa, mais dinámica, mais presente nos medios de comunicación, e na vida social de Ribadeo, que ofrece mais servizos os seus asociados. Na ultima década realizáronse entorno a 300 actividades de dinamización comercial e hostaleira, Acisa colaborou ou coorganizou mais de 200 eventos culturais e deportivos doutras asociacións, repartiu arredor de 50.000 euros en vales de compra, 250.000 materiais gratuítos para socios por valor de mais 100.000 euros, xerou mais de 8.000 noticias nos medios de comunicación e en total inviste mais dun millón de euros directa ou indirectamente na labor de potenciar, revitalizar e dinamizar o comercio e a hostalaría ribadense.
Debemos de ser honestos, todo isto foi posible grazas ás diferentes directivas e xerencias destas tres décadas e media e por suposto, grazas os que foron e son socias e socios de Acisa e aos responsables públicos que confiaron e colaboraron coa esta entidade.
Acisa celebra 35 anos medrando xuntos, sendo un referente comarcal e en moitos aspectos autonómico, tanto en comercio como en hostalaría, e hai que afrontar novos retos para non perder esa importante posición.
Debemos ser conscientes da importancia de ser mais como colectivo, porque iso fainos ser mais fortes para defender as necesidades do noso comercio, da nosa hostalaría, e en definitiva para defender a economía de moitas e moitas familias ribadenses, a dia de hoxe representa 170 empresas que supoñen uns 900 postos de traballo.
De non existir Acisa a dia de hoxe existiría algo moi parecido, e se non habería que inventalo, xa que a forza do comercio ten o seu éxito na unión.
Deste xeito directiva, xerencia e asociad@s brindamos por outros 35 anos de vida de Acisa Ribadeo.
Jesús Pérez (xerente de Acisa Ribadeo)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
