O Voceiro do PSdeG no municipio, Pablo Díaz, explica que a xubilación de dous dos tres facultativos provocou que as citas médicas se retrasen ata as dúas semanas e que os veciños teñan que desprazarse ata Vilalba
Abadín, 15 de marzo de 2024. A agrupación do PSdeG en Abadín denunciou este venres a falta de médicos que padecen no centro de saúde do municipio. A Xunta de Galicia non dotou de persoal o ambulatorio tras a xubilación de dous facultativos e como consecuencia, as citas médicas retrásanse ata dúas semanas. Moitos pacientes optan por desprazarse ata Vilalba, pero outros non teñen nin esa opción. O Voceiro socialista no municipio, Pablo Díaz, foi contundente ao reclamar “solucións urxentes” á Xunta.
“É unha vergonza. Non todo o mundo ten a opción de desprazarse 20 quilómetros ata Vilalba para recibir atención médica. Aquí temos moitos veciños e veciñas maiores que non teñen esa posibilidade. Esta discriminación co rural non nos sorprende, porque levamos anos sufríndoa, pero non é tolerable. Están facendo desaparecer a sanidade pouco a pouco e xogando coa vida das persoas”, asegurou.
Pablo Díaz explicou que “dos tres médicos que había, xubilouse o primeiro e amortizaron a praza, quedando dous. Xubilouse o segundo, pero a médica que ten a praza colleu unha baixa hai moitos meses. Esa baixa cóbrese, aínda que non todos os días, cada día cun médico diferente e moitas veces vén só dúas horas ou non vén ningún”. Agora, a única médica titular coa que conta o centro de saúde de Abadín “está a punto de xubilarse e ten trazas de que non veña ninguén para o sitio, cando neste concellos somos 2.300 habitantes”. Sinalou o socialista que é frecuente que chamen para anular ou cambiar citas, provocando así moitos trastornos.
Tamén están a ter problemas en Abadín coas citas do servizo de pediatría. O Voceiro socialista de Abadín explica que os nenos e nenas que empezan o colexio tiveron dificultades para facerse coa documentación médica que piden para matriculalos en Infantil.
Os socialistas de Abadín levan anos batallando para mellorar a Atención Primaria no concello. No seu momento, presentaron ante a Consellería de Sanidade máis de 1.000 firmas para dotar de persoal este servizo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
