A Mariña, 14 de marzo de 2024. No salón de plenos do Concello de Ourol tivo lugar esta mañá a presentación do acordo acadado polas Mancomunidades de Concellos da Mariña e Ferrolterra co Clúster de Turismo de Galicia, que inclúe como criterio habilitante para entrar no produto Galicia Destino Sostible pertencer ao proxecto Turismo Slow Norte de Galicia.
A presidenta da Mancomunidade da Mariña, Rocío López, lembrou que “Turismo Slow Norte de Galicia é un proxecto que as Mancomunidades de Concellos da Mariña e Ferrolterra, co apoio dos convenios que ambas entidades asinan anualmente coa Axencia de Turismo de Galicia, puxeron en marcha xa no ano 2015, o que converteu nun proxecto pioneiro tanto en nesta comunidade coma en España”.
López dixo que “os negocios que forman parte de Turismo Slow Norte de Galicia cumpren un triplo compromiso: o ambiental, de coidado do entorno; coa calidade; e co proxecto, que se refire á implicación e o interese pola consolidación do mesmo”.
Galicia Destino Sostible, impulsado polo Clúster de Turismo de Galicia coa
financiación da Xunta, é un club de produto que ten como obxectivo integrar a oferta turística sostible desta comunidade, conectando a turistas con empresas e facilitando o proceso de procura ás persoas interesadas en coñecer o destino garantindo a protección do medio ambiente e do seu patrimonio cultural e natural, o respecto pola cultura e a poboación local, e promovendo o impulso da economía local.
Á oferta turística integrada en Galicia Destino Sostible esíxeselle que cumpra cunha serie de criterios de sostibilidade e que traballe na súa mellora continua. Na actualidade, o club está formado por máis de 90 empresas e conta cunha oferta conformada por máis de 150 experiencias de turismo sostible.
A presidenta da Mancomunidade indicou que “é por todo isto que, desde os equipos técnicos de ambos proxectos e por iniciativa da Mancomunidade de Concellos da Mariña, analizouse a súa posible confluencia e reforzamento mutuo en beneficio das empresas e, polo tanto, de ambos territorios. Isto deu como resultado que o club de produto incluíse como un dos seus criterios habilitantes para aloxamentos, pertencer ao proxecto Turismo Slow Norte de Galicia”.
López comentou que “deste xeito, Galicia Destino Sostible, e si así o desexan os aloxamentos pertencentes a Turismo Slow Norte de Galicia, poderá ampliar a súa oferta turística e as empresas de aloxamento a súa visibilidade e promoción a nivel nacional e internacional así coma opcións de formación e networking con empresas do resto de Galicia que brindan este proxecto”.
Hoxe en día Turismo Slow Norte de Galicia conta con 26 empresas de aloxamento no xeodestino da Mariña e 21 en Ferrolterra, que terán a oportunidade de formar parte dun xeito directo de Galicia Destino Sostible. Para informar deste proceso, terán lugar dúas charlas – unha na Mariña e outra en Ferrolterra– o próximo día 16 de abril, ás que serán convocadas os aloxamentos.
A presidenta da Mancomunidade da Mariña engadiu que “o obxectivo deste acto de hoxe é poder comunicar este acordo, esta positiva noticia, ao tempo que se pon en valor o traballo realizado durante estes anos en Turismo Slow Norte de Galicia, se presenta o club de produto Galicia Destino Sostible e se da visibilidade ás distintas entidades que traballan e axudan a que un modelo turístico sostible de territorio en Galicia sexa posible”.
No acto celebrado en Ourol participaron representantes das Mancomunidades da Mariña e Ferrolterra, do Clúster de Turismo, da Xunta de Galicia, das empresas que levan adiante ambos proxectos (Turismo Slow e Destino Sostible) e do Concello anfitrión.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
Realizouse en dúas sesións, unha teórica e outra práctica. Na práctica contouse coa colaboración dos mestres Eloy Roces, Félix Bargados, Ángel Areas, Francisco Martins e Lino Gómez Feito. Nel actualizou a súa titulación de Xuíz de Tribunal Nacional de Graos o profesor do Club Shitokai Asturias Galicia, Julián Martín. Pola tarde celebrouse o exame de Cinto Negro ata 8º Dan. Os karatekas pertencentes ao Club de Karate de Ribadeo obtiveron os seguintes graos: Miguel Sanz Delgado, Cinto Negro 2º Dan. Janet Villarino Vizoso, Cinto Negro 1º Dan. Ambos coa idade mínima no seu Grao.
O Deputado de Medio Ambiente, Carlos López, participou no encontro, que serviu para perfilar os detalles da XLI edición deste certame, que terá lugar do 4 ao 6 de abril.
