Instan ao goberno local a que, antes de comprometer novos investimentos, “non enganen a ninguén e a facer o mantemento e a reparar o que xa temos”
Viveiro, 13 de marzo de 2024. O Grupo Municipal do PP de Viveiro denuncia que as instalacións deportivas deste municipio “están en precario”. A voceira da formación popular, Mariña Gueimunde, detalla que o pavillón municipal, que se viu afectado polos temporais das últimas semanas, aínda non foi reparado e continúa pechado; o que obriga aos rapaces a desprazarse aos concellos limítrofes para celebrar os partidos oficiais.
Asemade, o campo Marcos Gómez, situado en Cendedo, continúa sen as torretas da luz e segue sen o termo de auga quente, polo que os usuarios teñen que ducharse en auga fría. “Levan meses así porque hai un problema coa fontaneiría”, advirte a voceira Mariña Gueimunde.
No caso da piscina, o vaso pequeno tamén continúa sen estar en servizo. Segundo explica, non dispón do humidificador necesario para que se dean as condicións necesarias para poder abrilo. As máquinas do ximnasio están deterioradas e obsoletas e, no campo de Celeiro, que recibiu unha axuda da Xunta de Galicia en 2023, aínda non se iniciaron as obras de mellora, debido á inacción do Concello.
Por todo elo, dende o PP instan o goberno local a que, antes de comprometer novos investimentos, “non enganen a ninguén e a facer o mantemento e a reparar o que xa temos”.
“A IRRACIONALIDADE Á QUE ESTAMOS SOMETIDOS”
“Non nos serve a calada por resposta. As asociacións non poden facer uso das nosas instalacións; menos mal que temos as de Educación, xa que, do contrario, non sei como sería”, remarca Gueimunde, que insiste: “esta é a irracionalidade á que estamos sometidos. Non podemos meternos en novos gastos e todo por anuncios e a personificación dun dos partidos que forman parte do goberno e que nada quere saber do resto de concellerías”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
