Os populares cren que é “unha mala noticia para os usuarios desta instalación deportiva, pero tamén para toda Burela porque denota a total incapacidade deste goberno por sacar adiante proxectos importantes para o noso Concello”
Burela, 23 de marzo de 2024. “A mala praxe á hora de xestionar o Concello leva ao goberno bipartito PSOE-BNG en Burela a renunciar a unha axuda de máis de 40.000 euros que xa lle tiña concedido a Xunta para a renovación do peche perimetral do campo de fútbol A Marosa”, afirman os populares. “Todo parece indicar que esta mellora queda pendente porque o proxecto está paralizado”, lamentan.
Esta é “unha mala noticia para os usuarios desta instalación deportiva, pero tamén para toda Burela porque denota a total incapacidade deste goberno por sacar adiante proxectos importantes para o noso Concello”, subliñan. Neste caso, os concelleiros populares cren que “o bipartito non presentou unha oferta atractiva e polo tanto non houbo empresas que se presentaran ao concurso para executar este proxecto”.
Dende o Grupo Municipal Popular inciden en que “lamentablemente este é o modo habitual de proceder dende o comezo do mandato da señora López Moreno: unha continua falta de previsión á hora de sacar os concursos públicos ou, incluso, nin sequera chegar a sacalos para executar os proxectos que prometeran en campaña electoral. E agora todos os veciños de Burela temos que seguir agardando polas actuacións que demandan os bureleses e que xa foran prometidas”.
O PP de Burela recoméndalle á alcaldesa e ao seu goberno “menos posados e escusas e máis traballo para poder sacar adiante proxectos necesarios para a nosa vila”.
AXUDA CONCEDIDA POLA XUNTA DE GALICIA
O Concello de Burela rexeita unha subvención de 40.165,30 euros que a Xunta de Galicia, a través da Vicepresidencia Segunda e Consellería de Presidencia, Xustiza e Deportes, lle tiña concedido para esta actuación ao abeiro da convocatoria de axudas en réxime de concorrencia competitiva dirixida a concellos para a construción, reforma, reparación, adecuación ou mellora de instalacións deportivas de titularidade municipal e para a adquisición de material deportivo inventariable, para os anos 2023 e 2024.
“Mentres que a Xunta amosa vontade de colaboración co Concello e ofrece axudas para acometer melloras no noso municipio, a xestión do bipartito supón atrancos para o desenvolvemento de Burela e reléganos á cola da Mariña”, conclúen os populares.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
