A concelleira Verónica Soto incide en que “o descontento é xeneralizado pola situación grave que se viviu no Entroido”, polo que “seguiremos demandando explicacións e esixindo responsabilidades de ser o caso”
Foz, 1 de marzo de 2024. “O PSOE e o BNG néganlle aos veciños de Foz obter máis información e esclarecer o que sucedeu na celebración do Entroido”. Así o entende a concelleira Verónica Soto despois de que “ambas formacións votaran en contra da constitución dunha comisión de seguimento”. É dicir, “o equipo de goberno prefire ocultar e deixar atrás a transparencia”.
De feito, “deixan sen ningún tipo de explicación aos veciños de Foz -especialmente a aqueles vinculados ao Carnaval que nos teñen trasladado as queixas polas cousas que fixo mal o goberno local e outras moitas persoas particulares- que na súa maioría teñen amosado o seu descontento pola situación”.
A popular explica que “xa pasou no ano 2023 e neste 2024 a situación foi moi grave. Non nos gusta esta dinámica e agardamos que non se volva repetir nada nin sequera parecido polo desastre na organización”.
Soto incide en que “o Partido Popular intentou cos medios aos seu alcance pedir información e esixir explicacións ao goberno local, pero non fai máis que poñer obstáculos: pedimos documentación e non se nos deu antes do pleno”. Con todo, “seguiremos demandando explicacións; esixindo responsabilidades, de ser o caso; e pedindo un cambio positivo na estratexia do equipo de goberno en relación ao Entroido”.
O BNG PROTEXE AO PSOE
A popular subliña que “unha vez máis, igual que pasou con outros asuntos, o BNG protexe ao PSOE e, máis concretamente neste caso, a mala xestión do alcalde e da concellería de Cultura”. E engade que: “o BNG vive acomodado no goberno sen esixir nada a quen está mal xestionando os recursos dos focenses”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
