Despois da Oca da Inmigración orientada á cativada de primaria, convócase agora o X Concurso 21 de Marzo: Día Internacional para a Eliminación da Discriminación Racial, para todas as idades
Burela, 21 de marzo de 2024. O Concello de Burela está a organizar diversas actividades con motivo do Día da Eliminación da Discriminación Racial, que se celebra hoxe, 21 de marzo.
Despois da actividade A Oca da Inmigración, que o pasado venres foi levada ata o CEIP Virxe do Carme e o CEIP Vista Alegre, o Concello presenta agora o X Concurso 21 de Marzo: Día Internacional para a Eliminación da Discriminación Racial.
Este certame esta impulsado dende as áreas de de Inmigración, Cooperación e Integración do municipio en colaboración co Centro de Educación Medioambiental Gaia.
O pasado luns publicouse no BOP a convocatoria do mesmo, na que destaca que o formato dos traballos que os participantes poden presentar será totalmente libre, co obxetivo de dinamizar e aumentar a participación.
As persoas interesadas en participar teñen un mes de prazo dende a publicación das bases no BOP para presentar os seus traballos, isto é, ata o día 18 de abril. Hai tres categorías por tramos de idades: de 6 a 12 anos, de 13 a 17 e de 18 en diante.
A inscrición terá lugar na Casa do Concello presencialmente, no enderezo de correo electrónico integracioninmigrantes@burela.org ou chamando ó número 982 58 60 00.
“Despois da Oca da Inmigración que levamos a cabo nos centros de primara o pasado venres seguimos traballando no eido da inmigración, a integración e a cooperación”, afirma o concelleiro responsable destas áreas Mario Pillado.
“Este ano queremos revitalizar o concurso, e por iso, os participantes van poder crear un debuxo, un deseño gráfico, un lema ou un relato se queren, pero tamén van poder optar por calquera outro formato, sexa en vídeo, audio, imaxe, o que queiran e podan presentar de forma física ou dixital”, destaca Pillado.
Ademais deste concurso, tamén se publicaron no mesmo BOP as bases do I Concurso sobre Actitudes Positivas (Non Tóxicas) nas Relacións, que foi anunciado polo Concello no pasado Día de San Valentín.
A inscrición neste certame poderá realizarse no número de teléfono 982 58 11 41, no enderezo de correo electrónico casaxuventude@burela.org ou de novo presencialmente na Casa do Concello.
“Ambas iniciativas van na mesma liña, xa que a intención é dinamizar este tipo de certames para que teñan unha gran participación e tentar concienciar e chegar a capas cada vez máis amplas da sociedade”, conclúe o edil.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
