Burela, 21 de marzo de 2024. A Asociación Esperanza de loita e apoio contra o cancro celebrou a súa asamblea xeral anual o pasado venres, día 15, cunha asistencia masiva de persoas asociadas.
Nesta asamblea, amáis de dar conta do balance económico da sociedade correspondente ao ano 2023, e do resumo de actividades do mesmo ano, tamén se falou das actividades a realizar no presente 2024.
Mais o acordo máis importante foi o referido ás entidades ás que ESPERANZA vai facer axudas económicas no presente 2024 para traballar na investigación, prevención, diagnose e tratamento do cancro, así como apoiar ás persoas e familias afectadas pola enfermidade.
En función do acordo adoptado pola unanimidade dos asistentes, o Centro Nacional de Investigación Oncológica, o Grupo Español de Investigación en Cáncer de Mama, e a Fundación de Investigación Sanitaria recibirán una axuda de 1.500 euros cadansúa. Pola súa banda, a Fundación Quiroga Piñeiro (Centro Oncolóxico de Galicia), terá unha axuda de 2.000 euros, como os terá a Asociación Somos unidos por el Cáncer de Lugo. Dende Esperanza son plenamente conscientes de que estas axudas son importantes na súa contía, pero reflexan a vontade da veciñanza de Burela de colaborar con entidades que teñen como finalidade a loita contra o cancro.
Por outra banda, a directiva quere destacar o importante número de altas de persoas asociadas que se teñen producido dende primeiros de 2023 e ata agora, xa que se teñen computado 84 novas persoas asociadas, sendo o número de socios activos un total de 463.
Finalmente, Esperanza quere amosar a súa gratitude a todas as persoas e entidades que dun xeito ou doutro teñen feito aportacións ao colectivo para poder desenvolver a súa actividade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
