Ribadeo, 26 de marzo de 2024. O alcalde, Dani Vega, e a conselleira de Medio Ambiente, Ángeles Vázquez, visitaron esta mañá a praia das Catedrais. Para acceder ao areal ao longo da Semana Santa é preciso retirar os pases gratuítos que concede a Xunta. O rexedor anunciou melloras no entorno en datas próximas.
Vega declarou: “desde o Concello queremos destacar que a praia das Catedrais é un dos grandes recursos que ten Ribadeo, desde o punto de vista económico, desde o punto de vista da conservación do medio ambiente e polo impacto cultural. É un espazo natural e un entorno cultural”.
O alcalde dixo que “desde o Concello queremos traballar conxuntamente con todas as administracións, neste caso co Goberno do Estado e coa Xunta de Galicia. A conservación do espazo é cousa de todos. Por iso nas vindeiras datas imos investir para mellorar todo o entorno das Catedrais. Estamos a falar da entrada e da zona do aparcamento. Isto é o que trae colaborar, xestionar e conservar os espazos naturais. Isto non é cousa dun día, é cousa de ir conservando paulatinamente ao longo dos anos. Agora que temos que investir moito en todos os espazos naturais, nos areais e en todos eses espazos turísticos, porque durante anos non houbo ningún tipo de conservación nin de mantemento, nosoutros non buscamos responsables senón que temos que xestionar e dar unha solución”.
Dani Vega subliñou que “Ribadeo benefíciase directamente da praia das Catedrais, deste espazo natural e cultural. Ten un impacto económico non so no turismo, senón no comercio e na hostalaría. É un eixo vertebrador, é algo transversal que impacta en toda a economía local e debemos conservar e coidar este elemento dinamizador da economía e tamén o grande impulso que ten que coller desde o punto de vista medio ambiental”.
Para o rexedor “queda moito por facer no entorno da praia das Catedrais, hai que dotalo dun aparcamento e niso estamos a traballar xa. Os terreos están expropiados, pero agora precisamos o impulso económico, a xestión e o traballo. O que xa xestionamos é a conservación de todo o espazo, tanto da entrada como do aparcamento, e temos que ter conciencia da conservación do medio ambiente. Cando se visita un areal hai que evitar destrozos no patrimonio de todos, non ensuciar masivamente o entorno… é cousa de todos”.
E engadiu que “agora que empezan as vacacións de Semana Santa os pases para acceder ás Catedrais xa están regulados e está a dar un bos resultados. Destaco a colaboración da Xunta de Galicia hoxe coa visita de Ángeles Vázquez, conselleira de Medio Ambiente e vicepresidenta segunda da Xunta. Isto é o que hai que seguir facendo, colaborando con todas as administracións e xestionar para que Ribadeo siga avanzando”.
Xunto a Daniel Vega e Ángeles Vázquez estiveron, entre outros, os concelleiros de Turismo e Medio Ambiente, Marta Saiz e Diego Dos Santos, e a directora xeral de Patrimonio Natural, Belén do Campo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
