Desde Ribadeo os peregrinos poden contratar o servizo de transporte de mochilas etapa a etapa que ofrece Correos
Ribadeo, 27 de marzo de 2024. A carteira Marta Saiz, que traballa en Ribadeo, foi escollida por Correos para protagonizar un vídeo no que nos convida a visitar a localidade galega como lugar destacado do Camiño do Norte.
Neste vídeo, Marta móstranos diferentes puntos de interese do municipio como o barrio de San Roque, o porto de Porcillán ou a illa Pancha, que conta cun paseo que bordea a ría e que conecta tamén co pobo mariñeiro de Rinlo e coa praia de As Catedrais.
A carteira tamén fai mención á capela da nosa Señora das Virtudes na parroquia da Ponte, destacando as súas pinturas murais tardo-medievais de gran valor patrimonial.
Marta, exercendo de guía pola localidade, anima aos peregrinos a que escollan Ribadeo como lugar para planificar unha etapa de descanso ao realizar o Camiño do Norte.
Esta gravación forma parte de sériea Consellos do Carteiro, coa que Correos dá a coñecer diferentes localidades do Camiño de Santiago a través dos seus carteiros, grazas á súa experiencia e coñecemento das mesmas.
Este vídeo atópase dispoñible desde hoxe e pode verse nas redes sociais do Camiño con Correos: Facebook, Twitter, Instagram e Youtube.
SERVIZOS DE CORREOS NO CAMIÑO DE SANTIAGO
Correos pon ao dispor dos peregrinos e peregrinas servizos como o PaqMochila, para o transporte diario de equipaxes etapa a etapa, que lles permite camiñar sen peso e gozar de municipios como Ribadeo.
Ademais, os peregrinos tamén dispoñen doutras facilidades para o Camiño como o Paq Peregrino, para o envío de maletas e paquetes a calquera punto do Camiño, ou o Paq Bicicleta, un servizo de envío de bicicletas ao comezo do roteiro ou de volta ao seu destino. Ao chegar a Santiago de Compostela, os peregrinos tamén poden beneficiarse do servizo de consigna dispoñible na oficina de Correos de Rúa do Franco 4, a dous minutos da Catedral.
Na páxina web de http://www.elcaminoconcorreos.com pódese consultar información máis detallada sobre os servizos e sobre o Camiño de Santiago, cun buscador de máis de 4.000 aloxamentos, descrición dos Roteiros Xacobeos máis populares e máis de 300 consellos de que ver e facer no Camiño.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
