A Mariña, 26 de marzo de 2024. O pasado sábado, 23 de marzo, tivo lugar a ruta Camiñando entre volcáns, polo Vicedo, no marco do programa de Xeoturismo da Mancomunidade de Concellos da Mariña do Plan de Sostibilidade Turística que confinancia a Mancomunidade, a Xunta de Galicia e a Secretaría de Estado de Turismo.
Partindo da cruz que lembra ás vítimas do naufraxio do veleiro Drácula, os participantes visitaron os distintos tipos de rocha que afloran na contorna da praia de Area Grande (San Román). Tras estudar as cuarcitas e lousas que daban paso ó singular gneis Ollo de Sapo puideron coñecer o asentamento vikingo dos Moutillós para a continuación seguir cara ó oeste pola ruta dos miradoiros.
A participación do guía local Boris Vilar permitiulles enriquecer as explicacións do xeólogo Iván Rodríguez con interesantes achegas sobre a fauna silvestre, plantas autóctonas e historia local. Tras os sete quilómetros de roteiro chegaron á praia de Xilloi, onde rematou a ruta coa visita ás variedades máis espectaculares do gneis glandular nomeado Ollo de Sapo, restos da antiga cadea de volcáns explosivos, que atravesaría a península ate Guadalajara hai 500 millóns de anos.
As persoas que gozaron desta nova actividade, organizada pola Mancomunidade e que colgou o cartel de completo, procedían de Valladolid, Vilalba, Miño e varias localidades da Mariña.
Nova xornada de formación
O vindeiro 24 de abril terá lugar a Xornada de Formación en Xeoturismo para anfitrións e xestores de turismo, organizada pola Mancomunidade de Concellos da Mariña ao abeiro do Plan de Sostibilidade Turística.
Esta xornada de formación estaba prevista para o pasado 13 de marzo, pero quedou posposta para o vindeiro 24 de abril co obxectivo de que máis xente interesada poida participar na mesma. Desenvolverase no salón de conferencias, en Burela, en horario de 10 a 14 horas e de 15 a 19 horas.
Esta acción enmarcarse dentro do Plan de Sostibilidade Turística da Mariña – cofinanciado pola Mancomunidade, a Xunta de Galicia e a Secretaría de Estado de Turismo – sendo o xeoturismo ou turismo xeolóxico unha das áreas estratéxicas a desenvolver no contexto deste plan para a diversificación, redistribución e desestacionalización da actividade turística.
As persoas interesadas en asistir poden inscribirse en: https://forms.gle/KSPKRjpTQ1Ur7zGAA ou contactar por mail con amarinageoturismo@gmail.com e o teléfono 644 00 97 22.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
