Prevé destinar máis de 22.000 euros á mellora do sistema de climatización da Escola Infantil e a instalar luminarias máis eficientes no Centro Sociocultural de San Cosme e nos Colexios Vellos de San Miguel
Barreiros, 19 de marzo de 2024. O Concello de Barreiros vén de solicitar, con cargo ao Fondo Adicional de Cooperación Local do 2024, unha axuda para realizar diversas mellorar na eficiencia enerxética da Escola Infantil, o Centro Sociocultural de San Cosme e os Colexios Vellos de San Miguel.
A alcaldesa, Ana Ermida, explica que se trata de “locais con moito uso e con necesidades importantes en materia de eficiencia enerxética que contribuirán non só a un aforro municipal, senón tamén a incrementar a confortabilidade das persoas usuarias”.
Así, na Escola Infantil levaranse a cabo traballos para a mellora do sistema de climatización, mediante a instalación de bombas de calor, que permitirán o mantemento dunha temperatura estable durante todo o ano. Ermida explicou que desde a chegada ao goberno se veñen realizando numerosos investimentos neste inmoble, “conscientes da importancia de que conte coa máxima seguridade e confortabilidade posible”, como a realización dunha instalación eléctrica integral e a súa legalización no primeiro ano de goberno, para corrixir unha deficiencia da que poderían derivarse importantes responsabilidades, ou diversas actuacións nos cerramentos exteriores e o patio.
Con esta medida, continúase na liña de mellorar a conformtabilidade para as persoas usuarias -tanto crianzas como persoal da escola- ao tempo que se pretende a redución do gasto público e de combustibles fósiles. O importe para o que se solicita a axuda é de 9.951,04 euros.
Investimentos en locais sociais en San Cosme e San Miguel
Continuando a liña de investimentos que xa se ten realizado en varios locais sociais, como a legalización das instalacións eléctricas dos mesmos, prevese nesta ocasión unha actuación para a que se solicita axuda por importe de 12.520,99 euros para a substitución de todas as luminarias do Centro Social de San Cosme (onde se inclúe a biblioteca municipal) e dos Colexios Vellos de San Miguel.
Ana Ermida manifestou que se trata de “locais sociais que teñen un uso practicamente continuado durante toda a semana e polos que discorren centos de persoas nas diversas actividades que se levan a cabo neles. Por esta razón, é prioritario facer os investimentos precisos para tratar de que súa iluminación sexa o máis eficiente posible, reducindo custos e, ademais, mellorando as propias condicións lumínicas”.
As actuacións previstas con abeiro á axuda solicitada consisten no cambio de toda a instalación eléctrica a sistemas LED que permiten unha redución de gasto público tanto nos consumos como no mantemento, a o tempo que se consegue unha maior eficiencia na propia iluminación.
O total da axuda solicitada con cargo ao fondo adicional de cooperación local para este ano ascende a 22.472,03 euros, que cubriría a totalidade das actuacións a realizar nos tres inmobles municipais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
