Ribadeo, 12 de marzo de 2024. Acisa firmou un novo convenio de transportes coa empresa CTT Express con condicións vantaxosas para as súas asociadas e asociados.
A presidenta de Acisa Ribadeo, Carmen Cruzado, contou que “firmamos un novo convenio coa empresa de transportes CTT Express, co fin de mellorar as condicións de transporte de mercadorías, para os nosos asociados e asociadas”.
Segundo explicou o xerente da asociación, Jesús Pérez: “este servizo é moi utilizado e cremos conveniente melloralo sempre que poidamos cunhas novas tarifas vantaxosas e con novidades no servizo de recollida e entrega. O convenio inclúe diferentes formas de envío como provincial, rexional, peninsular, insular e internacional, así como diferentes horarios, urxente con entrega antes das 10 da maña, entrega ás 14 horas e entrega entre 24 e 48 horas. Este convenio a demais inclúe tarifas segundo o número de envíos ao mes que realice cada empresa, desta maneira a oferta aínda se pode personalizar moito mais, adaptándoa a cada asociado e axustando mais os custes, o que implicará un maior aforros. A oferta que temos de CTT Express é moi boa e ademais das tarifas ofertadas ofrécennos un desconto a maiores do 3%”.
Cruzado Iglesias dixo que “dende Acisa traballamos co fin de proporcionar os mellores servizos ás nosas asociadas e asociados. O transporte de paquetería é moi necesario e utilizado polo comercio. Cremos que lles será de moita utilidade. Isto sen dubida é un motivo mais para formar parte de Acisa, poder desfrutar de acordos vantaxosos coma este e outros que xa temos en marcha desde hai anos e dos que os negocios interesados poden obter información na nosa oficina ou a través da nosa páxina web”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
