“Chega o entroido e con el as ganas de divertirse, de disfrazarse e de manter o espírito participativo para continuar con este dinamismo que move Burela”, sinalou a alcaldesa Carmela López
Burela, 2 de febreiro de 2024. O Concello de Burela presenta a súa programación de Entroido. Serán un total de seis días con numerosas actividades, dende o venres día 9 de febreiro ata o mércores 14, día do Enterro da Sardiña.
“Chega o entroido e con el as ganas de divertirse, de disfrazarse e de manter o espírito participativo para continuar con este dinamismo que move Burela”, sinalou a alcaldesa do municipio, Carmela López.
“Tanto o Concello como as entidades que se suman á celebración organizando bailes e concursos estamos a traballar arreo para darlle auxe ó entroido”, afirmou pola súa banda Patricia Eijo Palmeiro, concelleira de Festas e Festexos.
Dentro da programación destacan as actividades que se realizarán na carpa da praza da Mariña. A primeira delas será a Festa Xuvenil, que inaugurará a programación municipal o venres 9 de 19:00 a 22:00 con música de DJ, premios e chocolatada.
Na mesma carpa, na noite do sábado 10 a partir das 23:00, terá lugar o Entroido Bonito, unha festa con DJ e concurso de disfraces coorganizada pola Asociación de Festas Patronais de Burela. Tamén terá lugar nesta carpa o Día do Neno o martes 13, que contará entre as 16:30 e as 21:00 con inchables, manualidades, música e un desfile infantil con premios para o disfrute dos máis cativos e cativas.
O gran Desfile de Carnaval será o domingo 11. Manterase o percorrido de anos anteriores, comezando ás 17:00 na rúa do Ril e rematando na praza da Mariña. As inscricións realizaranse ata o día 9 de febreiro na Casa da Xuventude, ou no propio día do desfile ata ás 15:30 no local de Ledicia.
Este ano aumentouse significativamente o importe dos premios no desfile, cun total de 3.280€ repartidos en diferentes categorías, co obxectivo de facer máis atractiva a participación. “Valoramos o esforzo dos e das concursantes, e por iso, xunto con ACIA, vimos necesario incrementar a dotación económica”, explicou Patricia Eijo. “Contamos con que os veciños e veciñas de Burela e alrededores se animen a participar”, engadiu.
Por outra banda, o luns 12 de febreiro na praza de Abastos ás 16:30 terá lugar un obradoiro de cociña infantil. As inscricións realizaranse a través do Centro de Educación Medioambiental Gaia. Finalmente, o entroido cerrarase co tradicional Enterro da Sardiña o mércores 14, coorganizado pola ACM Dambara. Será a partir das 20:00 dende O Poeta ata O Penoural.
“Desexamos que todo o pobo de Burela e os visitantes que nestos días nos acompañen disfruten desta festa tan alegre, divertida e chea de actividades”, rematou sinalando a concelleira de Festas e Festexos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
