José Tomé participou co Alcalde na entrega deste recoñecemento, outorgado a Carnicería Silmer, Xosé Fernández López, Modesta Fernández Blanco, Embutidos RM, Facenda Farruquiño SL, Carnicería Testo, Embutidos Buenavista e Casa Castelao
Lugo, 4 de febreiro de 2024. O Presidente da Deputación de Lugo, José Tomé Roca, participou este domingo xunto ao Alcalde da Fonsagrada, Carlos López López, na entrega do Butelo de Ouro, que este ano recoñece os produtores que participaron na feira ao longo da súa historia. “É un acto de xustiza”, valorou o mandatario provincial.
“Os produtores e produtoras son os verdadeiros protagonistas dunha andaina que comezou alá polo ano 1998. Sen eles, esta feira non tería chegado ata aquí”, destacou José Tomé, sumándose ao “recoñecemento do seu labor, da súa dedicación, porque todo o que fixeron pola Feira do Butelo e pola Fonsagrada, fixérono tamén pola provincia de Lugo”.
Puxo o Presidente o traballo dos produtores de butelo como exemplo do “enorme” potencial do rural, “da capacidade para innovar e para xerar riqueza en torno a un produto tradicional cunha feira que foi declarada de interese turístico de Galicia en apenas un cuarto de século de existencia”, salientou.
“No rural temos ideas, temos proxectos, temos capacidade de traballo, temos propostas de futuro e temos vontade de innovar. O que precisamos é que as administracións públicas –todas as administracións– apoien esas ideas, eses proxectos, esa capacidade, que sexan activas e dinamizadoras, como fan os premiados que hoxe recoñece o Concello da Fonsagrada con este Butelo de Ouro”.
Nese sentido, José Tomé incidiu en que o rural “non vive de titulares baleiros nin de promesas que nunca se converten en realidade. O rural necesita feitos, necesita servizos públicos de calidade e emprego”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
