O Presidente da Deputación, José Tomé, visitou este venres en Ribadeo xunto ao Ministro da Presidencia, Xustiza e Relacións coas Cortes, Félix Bolaños, as instalacións da cooperativa CLUN, a de maior produción de leite na provincia

A entidade xurdiu da unión de Feiraco, Os Irmandiños e Melisanto coa vocación de ser referencia no sector agrogandeiro galego. Son 3.500 socios de case 30 concellos de Galicia e Asturias. Centra a súa actividade na recollida, envasado e distribución de leite e outros derivados lácteos baixo as marcas Únicla, Clesa, Feiraco e Arquega.