Os deputados populares explican que a resolución da adxudicación deste contrato pódese converter “nunha nova compra de vontades dentro do partido socialista” en plena campaña electoral tras deixar no aire a resolución dun proceso alegando “unha baixa anormal” da mellor oferta, sendo, casualmente, a empresa que quedou en segundo lugar, unha UTE vencellada a cargos e familiares de membros do partido socialista na zona sur da provincia”
Lugo, 6 de febreiro de 2024. “O presidente Tomé nunca deixará de sorprendernos, pero sempre para mal. PSOE e BNG están descontrolados”. Así de contundentes se amosan os deputados do Grupo Provincial Popular na Deputación de Lugo tras ter coñecemento do que podería converterse nunha nova compra de vontades nas familias do partido socialista antes das eleccións.
O voceiro popular, Antonio Ameijide, refírese neste caso á contratación do programa ‘Coñece a túa provincia’ que estes días vai a adxudicar o goberno de Tomé. “Dicimos que vai a adxudicar porque o venres reuniuse a mesa de contratación e a empresa que fixo a mellor oferta pode non ser a beneficiaria do programa debido a que a Deputación consideraa ‘anormalmente baixa’ e pediron unha xustificación, que se a Deputación non a considera oportuna provocaría que a xestión do programa sexa para a empresa que quedou en segundo lugar, unha UTE vencellada a familiares de altos responsables dos gobernos socialistas na Deputación e no Concello de Monforte”, sinala.
Antonio Ameijide explica que esta UTE está formada por dúas empresas. Unha delas, Albergue Santiago 15, ten como responsable a Ramón Díaz-Varela López, irmán do xefe de gabinete de José Tomé na Deputación de Lugo, que á súa vez é fillo dunha concelleira do PSOE en Monforte.
Desa UTE tamén forma parte Ruth Díaz, persoa que formou parte dunha candidatura independente nas pasadas eleccións municipais en Sober, ademais de traballar durante case tres anos na rede museística do Concello de Lugo. “Esta José Tomé tentando cambiar vontades dentro da zona sur da provincia de Lugo de cara a futuras candidaturas?”, preguntou.
“Estamos fartos das corruptelas de PSOE e BNG á fronte da Deputación de Lugo que seguen empregando a institución como a súa chequeira de man”, criticou.
DATOS PROGRAMA COÑECE A TÚA PROVINCIA. Un concurso de máis de 921.609,15€ cunha duración de catro anos, dous anos iniciais máis posibilidade de prórroga durante dous anos máis. “Vemos como queren facer un Km0 versión 2.0 para seguir comprando ás familias socialistas para o candidato do PSOE á Xunta”, recalcou.
O programa ‘Coñece a túa provincia’ “recorda, e moito” a outro programa que xa puxera en marcha a Deputación de Lugo, baixo a presidencia do actual candidato do partido socialista á Xunta de Galicia, e que rematou nos xulgados. “Estaremos atentos á evolución da adxudicación e, se é preciso, poremos toda a documentación en mans do noso gabinete xurídico para que o valoren xa que temos moi claro que imos a defender os intereses dos lucenses ata o final e non imos a permitir que a Deputación sexa a chequera do PSOE”, sinalou.
Este caso vén a sumarse á compra do Castelo de Doiras por parte da Deputación de Lugo, “un pelotazo inmobiliario” co que José Tomé pretende dar un beneficio de 690.000€ a unha fundación controlada por un cargo socialista.
No pleno da semana pasada “demos a PSOE e BNG a primeira e única oportunidade de paralizar este pelotazo inmobiliario e demostrar dignidade e ética renegociando o prezo de adquisición deste inmoble, pero tanto socialistas como nacionalistas negáronse”. “Agora lanzamos unha advertencia a Tomé por se ten a máis mínima intención de dar outro pelotazo para familiares de altos cargos dos seus gobernos da Deputación e do Concello de Monforte”, afirmou.
Antonio Ameijide recalca que “este voto en contra de PSOE e BNG foi un voto a favor do caciquismo, de utilizar esta Deputación como un cortijo e de utilizar os cartos de tódolos lucenses para pagar os favores políticos do candidato á Xunta polo PSOE e dos seus secuaces do BNG”, unha operación urbanística que se xestou en cinco semanas.
Pero non é o único caso de “compra de vontades por parte do partido socialista” xa que tamén se suma aos 15M€ que durante 2023 José Tomé destinou a concellos dirixidos por socialistas e nacionalistas na provincia “en convenios asinados a porta pechada”. “15M€ en convenios e nin un euro foi a concellos gobernados polo Partido Popular que son máis da metade dos que hai na provincia”, afirmou.
Antonio Ameijide critica a actitude de PSOE e BNG que “cando se trata de contentar aos seus non teñen problema en pagar as facturas que sexan necesarias pero, para outras necesidades máis urxentes, como a apertura da residencia de Becerreá non hai nin un euro”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
