Madrid, 26 de Febreiro 2024. Baixo o lema “O campo esixe apoio, respecto e recoñecemento”, esta mañá o Sindicato Labrego Galego-Comisións Labregas (SLG-CCLL) participou canda milleiros de persoas procedentes de todo o Estado na manifestación e tractorada convocada en Madrid pola COAG, UPA e ASAJA con motivo da xuntanza do Consello Europeo de Ministros de Agricultura.
As organizacións agrarias demandamos na capital do Estado respostas rápidas e estruturais á crise actual á que se enfronta o sector agrario, comezando pola eliminación da burocracia que nos afoga; a articulación de mecanismos efectivos para acabar cos baixos prezos en orixe e coas marxes abusivas entre os prezos que perciben as persoas agricultoras e os altos prezos que pagan as persoas consumidoras; cambios nas medidas que afectan negativamente ás pequenas e medianas producións -que son maioritarias en Galicia- ou que non están adaptadas á realidade galega ou da Cornixa, así como deixar de utilizar a agricultura como moeda de cambio nos chamados Tratados de Libre Comercio, que facilitan a importación de alimentos que non cumpren os estándares mínimos de seguridade e protección do medio ambiente esixidos na UE.
Asemade, o Sindicato Labrego Galego-Comisións Labregas está tamén hoxe a participar nas mobilizacións convocadas en Bruxelas pola Coordenadora Europea Vía Campesina (CEVC) e outras organizacións agrarias e sociais aliadas, nas inmediacións da xuntanza de ministras/os. Na liña das reivindicacións defendidas en Madrid -e a semana pasada nas mobilizacións desenvolvidas na Galiza-, dende a CEVC insistimos na importancia de regular os mercados e conseguir que a Directiva sobre prácticas comerciais desleais sexa obrigatoria, co fin de garantir prezos xustos e estables, protexidos da especulación, que cubran os custos de produción e o traballo das persoas labregas; a eliminación dos Tratados de Libre Comercio e a competencia desleal deben ser prioridades. Tamén esiximos que a Unión Europea manteña o principio de precaución e deteña a desregulación dos organismos xenéticamente modificados e das novas ténicas xenómicas; que sexa asegurado un orzamento suficiente e unha distribución equitativa das axudas da PAC, a fin de facilitar unha transición xusta cara a agroecoloxía e as prácticas sostibles, así como a redución das cargas administrativas para as pequenas e medianas granxas.
En declaracións dende Madrid, a Secretaria Xeral do Sindicato Labrego Galego-Comisións Labregas (SLG-CCLL), Isabel Vilalba, salientou que estas mobilizacións estanse a levar a cabo nun momento decisivo: “Estamos perdendo moita poboación dedicada á agricultura. No noso caso seis de cada dez persoas agricultoras xubilaranse nos próximos anos. Temos un contexto de dificultade enorme no sector agrario e na zonas rurais, e isto pode ser a puntilla para que moita xente teñamos que abandonar o sector. Entón, estamos moi pendentes do día de hoxe. O propio Ministerio dixo que se estaban facendo estas políticas como unha especie de despotismo ilustrado, é dicir, unha maneira de gobernar de maneira déspota, obviando todas as dificultades que ten un sector estratéxico que é o que proporciona alimentos ao conxunto da sociedade. Esperemos que estean á altura as decisións que tomen hoxe e senón teremos que seguir na loita para defender o sector agrario e gandeiro”.
Dende o Sindicato Labrego Galego demandamos que se activen os cambios necesarios para que a Política Agraria Común estea verdadeiramente ao servizo do dereito á alimentación, tanto no que respecta á produción como á comercialización e consumo. A actual orientación cara as exportacións e o mercado internacional non beneficia ás persoas consumidoras e prexudica ao medioambiente, ao tempo que provoca que as persoas labregas recibamos prezos que non cubren custos nin remuneran o noso traballo. É un sistema que só beneficia á agroindustria e aos grandes poderes económicos, á costa dun ben imprescindíbel como é a alimentación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
