Ribadeo, 14 de febreiro de 2024. Éxito do Desfile de Antroido que onte encheu de enxeño, humor e color as rúas de Ribadeo. Partiu ás cinco e media da Avenida Rosalía de Castro e rematou pasadas as nove da noite diante da Casa do Concello. As preto de 1.500 persoas que desfilaron polas rúas de Ribadeo foron obsequiadas cunha chocolatada na carpa instalada no Campo de San Francisco, onde tamén foron entregados os premios. Os produtos para a chocolatada foron doados por Clun e Chocolates Moreno.
A concelleira de Cultura, Begoña Sanjurjo, tivo palabras de agradecemento paras as sete persoas integrantes do xurado “que por primeira vez procedían de moitos concellos da nosa contorna”. E tamén deu as grazas: “a todo o persoal municipal, ao persoal de Acisa, ás asociacións e colectivos e ás persoas a título particular que traballaron durante estes días para que todas as actividades do Antroido de Ribadeo fosen unha realidade. Grazas ás voluntarias e voluntarios que onte nos acompañaron no desfile e que velaron polo bo desenvolvemento do mesmo. E grazas tamén aos milleiros de persoas que se achegaron a Ribadeo a gozar do noso Desfile, porque podemos dicir que a vila estivo a tope o Martes de Antroido”.
Os premiados foron os seguintes:
Comparsas e/ou charangas
1º premio: A Choca
2º premio: Habelas Hainas
3º premio: Ruxe Ruxe
4º premio: Folixa
5º premio: Brincadeira
6º premio: Aturuxo
Carrozas
1º: Os mesmos de sempre
2º: Campillín
3º: Os minións do norte
4º: Locos por Astérix
5º: A Contrapunto
Grupos (mínimo 3 persoas)
1º: Crazy Wonderland
2º: El reino de la manita
3º: Happy Circus
4º: De festa en Abu Dabi
Parellas
1º: Locos por la música
2º: La senda de los elefantes
3º: Bajo el mar
4º: Alén do mar
Individuais
1º: Bailemos un vals
2º: Centro Comercial El Rosal
3º: Se non as queres deixaas
Premio especial á mellor mascarita
En honor a Secundino
Grupos infantís (mínimo 3 persoas)
1º: Mouchos sabios
2º: Mergullándonos en Ribadeo
3º: Bonecas de corda
4ª: Papagaio
Parellas infantís
1º: Descarrilados
2º: Mascarita por sempre
3º: Bucaneros
Individuais infantís
1º: Astronauta
2º: A pita poñedora
3º: A Xoaniña Rei Rei
A organización tamén destacou o incremento e contía dos premios, que foron de 6.900 euros, dos que as entidades colaboradoras (Donapubli, Aquí Diario, Rotugraf Ribadeo, Serigrafía Eo, Gestión Gratelu, Espectáculos Pico, Be One, TopCad, Coto Estudios y Construcciones, Gráficas Ribadeo, Comisión de Festas e Congelados Silvent) achegan 2.400 euros.
Tamén onte foi sorteada a rifa do cocho. O número premiado foi o 991. A persoa afortunada dispón de 15 días para reclamar o seu premio á Comisión do Antroido ribadense.
Desde Acisa a súa presidenta, Carmen Cruzado, subliñou que “o Desfile de Antroido contribuíu a unha importante dinamización do sector hostaleiro na xornada de onte, festivo local en Ribadeo, tanto durante o día como pola noite. Milleiros de persoas pasaron pola vila e iso notouse nos bares, nos restaurantes e nas terrazas. Desde Acisa estamos satisfeitos por este motivo”.
O Carnaval 2024 rematará en Ribadeo coa Queima do Entroido o vindeiro sábado, 17 de febreiro, ás 21:00 horas na Avenida Rosalía de Castro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
