Pide “a maioría que fai falta para poder cumprir o noso programa sen ter que estar pendentes de ninguén e sabendo que non teremos que renunciar a nada” remarcando que “non hai nada feito e todo está en xogo”
Lugo, 1 de febreiro de 2024. O presidente e candidato do PPdeG, Alfonso Rueda, manifestou hoxe en Lugo que quere seguir á fronte dunha Galicia orgullosa, unida, próspera, que non teña que renunciar a nada ao que ten dereito e sobre todo que aproveite as súas capacidades e posibilidades para acadar un futuro potente: “Quero ser presidente da Galicia que funciona e quero que siga funcionando”.
A poucas horas do inicio da campaña electoral, o líder dos populares galegos trasladou aos seus o seu convencemento de que o partido chega a este momento “mobilizado, unido e motivado”. Pero subliñou tamén que “non hai nada feito e todo está en xogo nestes 15 días”.
Prometeu unha campaña “de peinado do territorio” como mellor sabe facer o PPdeG e como “non son capaces de facer outros por moito que queiran”. Unha campaña de traballo “con razón e fundamento” e recordando o “moito do que podemos presumir” logo destes anos: “Nós temos que falar do que fixemos cada unha das catro veces seguidas que nos deron a súa confianza”.
Explicou así que, entre as cousas que demostran que “se fixeron as cousas ben porque sabemos facelas ben” están as cifras económicas, uns servizos públicos blindados e moitas das medidas nas que Galicia foi pioneira entre todas as comunidades de España. “Acadamos logros que estamos consolidando e agora imos a por outros sen renunciar nunca aos principios deste partido: a verdade, o rigor e o falar cos galegos cara a cara”, explicou poñendo en valor a importancia da palabra dada.
“Cando se dá a palabra hai que cumprir e iso é o que vou facer eu e van facer tamén todos e cada un dos membros das nosas catro candidaturas”, remarcou antes de incidir no moito que hai en xogo o 18 de febreiro. En primeiro lugar, o futuro de Galicia, pero tamén “todo o que ocorre nunha España da que os galegos nos sentimos orgullosos de formar parte”.
De aí que pedira apoio “para que a Galicia non veña todo o que está pasando co Goberno de España” e poder “gardala”. Porque, tal e como apuntou, “Galicia non ten que imitar a ninguén, nin ten que deixarse levar por todo ese barullo e desgoberno que algúns queren traer aquí corrixido e aumentado”.
“A min gústame Galicia tal e como é, tal e como somos: mellorando sempre, sen dar un paso atrás e consolidando o conseguido”, afirmou incidindo en que este 18 de febreiro será o oportunidade de “seguir centrados no importante e dependendo só de nós mesmos”. Por iso pediu “a maioría que fai falta para poder cumprir o noso programa sen ter que estar pendentes de ninguén e sabendo que non teremos que renunciar a nada”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
