“Cada vez é máis necesario un goberno progresista en Galicia que, da man de Besteiro, aplique e desenvolva medidas pensadas para mellorar a vida das persoas”
Lugo, 11 de xaneiro de 2024. O Secretario Xeral do PSdeG-PSOE na provincia de Lugo, José Tomé Roca, fixo este xoves unha valoración moi positiva da suba das pensións para este ano 2024 en case un 4%, conforme ao coste da vida, que o Goberno de Pedro Sánchez sacou adiante onte no Congreso dos Deputados, a pesar do voto en contra do Partido Popular. Polo tanto, subliñou o socialista, “se fose polo Partido Popular, os pensionistas da nosa provincia non recibirían unha nova suba este ano”.
José Tomé recalcou que, “unha vez máis, queda claro que a revalorización das pensións só se garante con gobernos progresistas, porque o PP non o fai”, e comparou o incremento de máis do 12% que aprobou o Executivo do Estado entre 2023 e 2024 coa “burla e escarnio que o Partido Popular facía aos maiores en tempos de Rajoy cando anunciaba unha suba do 0,25% mandando unha carta que custaba máis do que ían cobrar de incremento os pensionistas”.
O Secretario Xeral dos socialistas da provincia sinalou que coa medida do Goberno de Pedro Sánchez, os 113.849 pensionistas de Lugo van cobrar uns 35 euros máis ó mes, sobre unha pensión media de 914 euros. “Isto supón unha suba anual de case 500 euros por pensionista e unha inxección de 60M€ máis no conxunto da provincia neste 2024”.
Neste sentido, José Tomé incidiu en que revalorizar as pensións “é de xustiza social”, pero tamén “un incentivo para a economía, sobre todo no rural, xa que garante o poder adquisitivo do 35% da poboación da nosa provincia, co efecto dinamizador que iso ten no consumo”. “O Partido Popular ten que explicar por que votou, outra vez, en contra dos pensionistas”.
“Seguen demostrando a súa inutilidade política e o nulo compromiso cos intereses dos galegos e galegas. Vémolo coa marea de plástico nas nosas costas e comprobámolo onte en Madrid, cando dixeron unha vez máis que non á suba das pensións ou á rebaixa da factura da luz e do gas, e do IVE dos alimentos”. “Cada vez é máis necesario un goberno progresista en Galicia que, da man de Besteiro, aplique e desenvolva medidas pensadas para mellorar a vida das persoas”, subliñou o líder do PSdeG na provincia de Lugo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
