Rodil referiuse a outras propostas que o BNG establece como prioritarias nesta materia e asegurou que “é o momento de traballar con intensidade para conquistar dereitos demandados pola socidade para acadar unha igualdade real”
Lugo, 20 de xaneiro de 2024. Olalla Rodil, cabeza de lista do BNG por Lugo, lembrou o “cuestionamento ou banalización das violencias machistas e as posicións que pretenden facernos retroceder en dereitos” e asegurou que “Ana Pontón na presidencia da Xunta será o máximo garante da implementación de políticas encamiñadas a avanzar nunha sociedade igualitaria”. Rodil incidiu na necesidade de reforma dos Centros de Información ás Mulleres (CIM) e de “aprobar un programa de ampliación e extensión dos CIM que contemple o incremento da achega económica do programa de axudas e subvencións de apoio aos CIM, facendo especial énfase na creación destes centros naquelas comarcas nas que actualmente non existen”. A parlamentaria nacionalista tamén significou “a necesidade de implementar a estes centros con todo o persoal que sexa obrigatorio para a acreditación do CIM e a incorporación de novos perfís profesionais para o seu corrrecto funcionamento”.
Rodil tamén se referiu á importancia de crear unha Valedoría de Igualdade como órgano de defensa cidadá perante situacións de discriminación, directa ou indirecta, por razón de xénero. Esta Valeduría tería entre as súas funcións as de investigar, asesorar, e mediar. Tamén se encargaría da elaboración de propostas para a promoción da garantía do cumprimento do principio de igualdade. Ademais Olalla Rodil significou que “cun BNG ao fronte da Xunta de Galiza contariamos cun Instituto Galego das Mulleres como organismo público para promover políticas de igualdade de forma transversal en todos os ámbitos da vida social, económica, cultural e política de Galiza”.
“Impulsaremos Lei de Inclusión de Cláusulas Sociais en materia de Igualdade co obxectivo de as introducir transversalmente en todos os ámbitos de actuación administrativa en que sexa procedente, así como para aquelas circunstancias e situacións sociais, onde xuridicamente, for posible” anuciou Olalla Rodil e engadiu a necesidade de contar, tamén, cunha nova Lei galega de recoñecemento e apoio das familias monoparentais. O BNG dende o goberno galego tamén velará pola visibilidade do traballo non remunerado no fogar e profundar no coñecemento do uso e reparto das tarefas domésticas colaborando coas universidades galegas no desenvolvemento de estudos específicos sobre o valor deste traballo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
