Antonio Ameijide afirma que Cospeito ten o polígono paralizado dende hai 17 anos por culpa do PSOE e o BNG e “non podemos admitir leccións nin promesas do candidato á Xunta do partido socialista nin do presidente da Deputación cando levan 17 anos boicoteando o polígono industrial de Cospeito e moitos outros ao longo da provincia”
Lugo, 31 de xaneiro de 2024. O voceiro provincial, Antonio Ameijide, e o deputado provincial e alcalde de Cospeito, Armando Castosa, mantiveron hoxe un encontro con empresarios de Cospeito para analizar a situación do polígono industrial deste municipio.
Armando Castosa pide ao goberno provincial “o desbloqueo inmediato” do polígono industrial do municipio que “PSOE e BNG manteñen secuestrado” dende hai 17 anos e pide que se desbloquee e se entregue ao concello para que poidan comercializarse as parcelas “moitas delas xa reservadas por empresarios do municipio, que non teñen nin parcela nin os cartos da fianza”.
O proxecto do polígono industrial de Cospeito comeza en xuño de 2005, cando a Deputación de Lugo, Suplusa e o propio concello asinan un convenio de colaboración para desenvolver esta zona industrial.
Entre 2005 e 2007 realízase o plan de sectorización por parte do Concello de Cospeito e aprobouse, o primeiro paso para poder desenvolver esta zona, “cun goberno do PP apoiando dende o primeiro intre o proxecto” pero coa chegada do PSOE á Deputación en 2007 “paraliza todo”.
Baixo a presidencia de Gómez Besteiro, entre 2007 e 2015, houbo tres xuntanzas entre Concello de Cospeito e a Deputación de Lugo para avanzar no proxecto nas que “sempre nos dixeron que estaba todo solucionado e que en 15 días comezaría todo a funcionar de novo, pero nos 8 anos de Besteiro nada se fixo”.
Nos seguintes anos, con outros presidentes á fronte da Deputación “máis do mesmo”. Os únicos avances prodúcense cando hai un cambio de dirección en Suplusa e, grazas á iniciativa do PP, “Suplusa comeza a impulsar o polígono, mentres dende a Deputación o torpedearon”.
En 2018 comeza a obra a urbanización do polígono e prodúcense as primeiras reservas de parcelas. “Véndense entre os empresarios do municipio e polo menos 8 deles adiantan cartos en 2018 en concepto de reserva das parcelas para a súa posterior compra”. “A realidade é que case unha decena de empresarios de Cospeito depositaron miles de euros ante a Deputación hai 6 anos para a reserva das parcelas e a día de hoxe nada teñen, nin cartos nin parcela”, denuncia.
Armando Castosa denuncia que esta non foi “a única perda que tivemos que asumir dende o Concello e os empresarios do municipio” xa que se perdeu unha subvención de 300.000€ para un viveiro de empresas no polígono porque a Deputación non puxo a parcela unha disposición. “A Deputación boicoteou a construción dun viveiro de empresas no polígono de Cospeito (financiado pola Xunta) a pesar de que legalmente era viable e posible. Todo por non dar unha autorización”, lamentou.
O alcalde de Cospeito e deputado provincial ofrece a máxima colaboración e lealdade institucional e indica que se a Deputación de Lugo é incapaz de desbloquear a posta en marcha do polígono “eu comprométome a dar o impulso necesario e o financiamento oportuno onde sexa necesario para garantir a posta en marcha do polígono”.
Pola súa banda, o voceiro provincial popular, Antonio Ameijide, afirma que Cospeito ten o polígono paralizado dende hai 17 anos por culpa do PSOE e o BNG. “Non podemos admitir leccións nin promesas do candidato á Xunta do partido socialista nin do presidente da Deputación cando levan 17 anos boicoteando o polígono industrial de Cospeito e moitos outros ao longo da provincia”, sinalou.
“É absurdo e unha broma de mal gusto escoitar ao candidato do partido socialista á Xunta de Galicia que vai a impulsar o desenvolvemento industrial cando en 8 anos foi incapaz de poñelo en marcha, como tampouco o foron se sucesivos gobernos de perdedores da Deputación de Lugo”, rematou.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
