O prazo fixado pola Xunta de Galicia para cumprir con este deber finalizará o 31 de maio
Viveiro, 26 de xaneiro de 2024. A tenenta de alcaldesa e responsable da área de Medio Ambiente no Concello de Viveiro, Míriam Bermúdez, lembra ás persoas titulares de parcelas e terreos a súa obriga de mantelas limpas “coa finalidade de previr os incendios forestais no municipio”.
En concreto, lémbralles ás persoas propietarias “a súa obriga de xestión da biomasa vexetal e retirada das especies arbóreas prohibidas nas franxas secundarias definidas polo Plan municipal de prevención e defensa contra os incendios forestais do Concello de Viveiro (PMDIF), nos termos que define a Lei 3/2007 de prevención e defensa contra os incendios forestais de Galicia”.
O prazo fixado pola Xunta de Galicia para cumprir con este deber finalizará o día 31 de maio de 2024. Deberán limparse as parcelas afectadas, tanto de maleza como de árbores consideradas pirófitas (consultar gráfico adxunto).
Transcorrido o prazo outorgado sen que as persoas responsables xestionen a biomasa ou retiren as especies arbóreas prohibidas, o Concello poderá proceder á execución subsidiaria con repercusión dos custos ao responsable, así como ao comiso da madeira resultante da tala das especies arbóreas prohibidas.
Igualmente, o incumprimento conlevará a aplicación de sancións por importes que van desde os 1.000 euros ata os 100.000 euros, en función da clasificación da infracción.
Os propietarios e interesados poderán consultar as parcelas catastrais incorporadas nas franxas secundarias de biomasa do PMDIF a través do visor incorporado na páxina web do Concello de Viveiro (https://www.viveiro.es / concello dixital / Visor de inventarios e bens municipais / Consulta ou visor dás faixas de incendios) ou ben, no visor de faixas secundarias da Xunta de Galicia (https://mapas.xunta.gal/visores/faixas/)”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
