Olalla Rodil reproba o desleixo do goberno galego ante as continúas amezas de peche da empresa de aluminio de San Cibrao, na comarca da Maríña e advirte que é un sector estratéxico
Santiago de Compostela, 29 de xaneiro, 2024. A viceportavoz do BNG, Olalla Rodil criticou o veto do Partido popular á “comparecencia urxente do, de momento, presidente da Xunta de Galiza”, solicitada polo BNG, para explicar as medidas do Goberno galego sobre garantir o mantemento dos postos de traballo e da actividade industrial na fábrica de aluminio de San Cibrao, na comarca da Mariña e lamentou que, unha vez máis, os traballadores e traballadoras carezan do apoio das administracións competentes para acadar unha solución a ameaza de peche.
Na reunión da Comisión Permanente, celebrada hoxe no Parlamento galego, Rodil afirmou que “ningún país pode estar pendente e permanentemente baixo a ameaza dunha empresa que leva xogando coas traballadoras e traballadores durante anos”. Por outra parte, asegurou que na actualidade no “existen garantías para continuar coa produción de aluminio primario en Galiza e urxiu aso gobernos da Xunta e central esixir a Alcoa que cumpra cos investimentos comprometidos na fábrica de San Cibrao e mantemento da actividade dun sector estratéxico como é a produción de aluminio”.
A xuízo da nacionalista, “Galiza non pode permitirse a destrución de postos de traballo e a perda de músculo industrial” e dende o BNG, recalcou, seguiremos defendendo unha solución integral e a largo prazo para Alcoa coa intervención das administración”.
Temos en San Cibrao a única fábrica de aluminio primario do Estado español e unha das poucas de Europa, explico.Unha fábrica propiedade da multinacional estadounidense Alcoa que leva anos ameazando co seu peche argumentando dificultades económicas e un custe excesivo do prezo da electricidade.
Despois de anos de ameazas en 2020 Alcoa presentou un ERE que supuña o despido de máis de 500 traballadores directos, case mil indirectos. “Un ERE paralizado por decisión xudicial habida conta da mala fe coa que actuou a empresa”.
Posteriormente, os traballadores e Alcoa asinan un acordo polo que se paraliza a actividade da planta de aluminio co compromiso de rearrancar a comezos de 2024, 32 cubas e desenvolver unha serie de investimentos fundamentalmente e a construción dun novo forno de ánodos co obxectivo de ter en outono de 2025 a fábrica en funcionando.
A semana pasada Alcoa anunciaba que non ía cumprir os compromisos e ameazaba –como tantas outras veces– co peche. Hoxe comezarán os traballos de reinicio de 2 cubas e Alcoa e asegura que encenderá as 32 comprometidas de aquí a abril “pero tamén anuncia que non hai garantías de volver recuperar a actividade porque o encendido da cubas provocarán que os fondos se esgoten”.
O Goberno da Xunta non pode mirar para outro lado
Dende o BNG solicitamos que compareza a Xunta de Galiza porque é necesario que o Goberno galego dea explicacións do que vai facer para impedir que se destrúan postos de traballo nun sector estratéxico para Galiza. É urxente, salientou Rodil, “esixir á empresa o cumprimento das súas obrigas non só co rearranque das cubas senón cos investimentos, nomeadamente o forno de ánodos” porque do contrario non existe garantía de volver recuperar a produción.
Urxe unha intervención pública para salvar os postos de traballo e a actividade industrial
Para o BNG, dixo, a única solución real e integral é “a intervención pública impulsada conxuntamente pola Xunta e o Goberno español” porque de non ser así, a fábrica pode perder 534 postos de traballo directos, máis de mil sumando ás auxiliares, un ⅓ do PIB de toda a provincia de Lugo e a única produción de aluminio primario de todo o Estado.
“Galiza precisa máis músculo industrial e non perder o pouco que ten e para iso non hai que gañar tempo, nin buscar parches, senón solucións integrais e estruturais e aí o Goberno galego ten moito que dicir,” remarcou Rodil.
Estamos nun período de inflexión até as eleccións do 18 de febreiro pero a ameaza de que a fábrica de aluminio de San Cibrao poida pechar é de tal magnitude para o conxunto de Galiza que o mínimo é que o Goberno compareza e poña luz e taquígrafos sobre a situación, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
