Hostaleiros e amigos de Ribadeo homenaxearán a Pedro “Foguete”, o sábado 20 deste mes

Ribadeo, 10 de xaneiro 2024. Máis de 3 xeracións de veciños e visitantes da Mariña gozaron de Casa Foguete, o restaurante rexentado por Pedro Burgo Rañón, coñecido como Pedro “Foguete”. Case 90 anos de historia fixeron do restaurante, e do seu rexente, un referente na zona. Unha casa de comidas onde Pedro daba o mellor de si para que todos os seus comensais “sentisen como na casa”. Por iso, os hostaleiros e amigos de Ribadeo, localidade natal do empresario, queren renderlle homenaxe nunha comida que terá lugar o próximo 20 de xaneiro no restaurante Náutico. O evento é aberto ao público, polo que todo aquel que queira acompañar a Pedro “Foguete” nesta emotiva comida poderá facelo comprando a súa tarxeta. A venda delas realizarase no restaurante ata completar aforo.

Pedro dedicou toda a súa vida á hostalería e recibiu a noticia da homenaxe con moita alegría: “creo que no merezco un homenaje. Viniendo de los amigos y compañeros es algo maravilloso. Espero estar a la altura y seguir intentando tratar a todo el mundo con el máximo respeto y educación. Me siento profundamente agradecido por este enorme cariño”.

A súa proximidade e personalidade única fixeron que o restaurante, xa consolidado como casa de comidas pola súa nai Concha, sempre estivese en primeira liña como referente gastronómico e obtivese unha extensa lista de recoñecementos, como o Premio Nacional de Hostalería pola Federación española de bares e restaurantes ou o nomeamento de Caballero da Orde do Camiño de Santiago. Con todo, o que máis feliz fíxolle foi o que recibiu a súa nai, o Álvaro Cunqueiro a “Toda unha vida”.