Preto dun cento de crianzas participaron na completa axenda de actividades lúdico-didácticas programadas, especialmente, para axudar ás familias nestas datas
Cervo, 5 de xaneiro de 2024. O Concello de Cervo clausurou este venres unha nova edición do programa Cervo Concilia no Nadal, que deu comezo o 22 de decembro e que se prolongou durante todas as vacacións escolares “co fin de contribuír o máximo posible á conciliación das familias nestas datas”.
Máis de 80 crianzas de entre 3 e 12 anos, e divididos en catro clases, desfrutaron dunha completa axenda de actividades educativas e lúdicas pensadas para a diversión e o aprendizaxe, dirixidas e coordinadas por un equipo humano conformado por oito monitores/as.
A temática do Nadal foi a base de moitas das iniciativas deseñadas tanto dentro das aulas situadas na Casa do Mar, como no exterior, naqueles días nos que o tempo acompañou.
Así, as crianzas fixeron manualidades, diferentes xogos, ensaiaron as badaladas ou puideron desfrutar, por exemplo, do tren de Nadal na Praza dos Campos, entre outros moitos pasatempos e actividades educativas.
Como broche de ouro, este venres, esmeráronse ao máximo na organización dun concurso de talentos no que exhibiron as súas dotes artísticas, e tamén desfrutaron dunha doce merenda a base de roscón de reis e chocolate e cada neno recibiu un agasallo de regalo.
A rexedora, Dolores García Caramés, e a tenente de alcaldesa, Mali Méndez, quixeron compartir esta xornada de despedida con todos eles, agradecendo “a entrega e a implicación dun equipo de monitores/as de luxo”, así como tamén “a confianza das familias neste programa que edición tras edición supera cifras de asistencia” o que é síntoma de que é unha ferramenta útil e proveitosa para as familias nestas datas nas que conciliar ás veces non resulta tarefa sinxela.
Caramés comprometeu así mesmo a continuidade deste programa “polo que levamos moitos anos apostando firmemente desde o Concello de Cervo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
