O titular de Mar coñeceu de primeira man a posta en marcha pola OPP7 de Burela das visitas virtuais a través da web da entidade cunha visita a un pesqueiro de arrastre de litoral e un palangreiro de superficie
Burela, 2 de xaneiro do 2024. A pesca galega é un referente mundial de boas prácticas e de responsabilidade co medio ambiente. Así o sinalou o conselleiro do Mar, Alfonso Villares, acompañado polo delegado da Xunta en Lugo, Javier Arias, que asistiu á primeira poxa do 2024 na lonxa da localidade. Alí compartiu impresións con compradores, exportadores, armadores e empregados da rula destacando o posto de liderado que exerce esta lonxa a nivel galego ocupando a terceira posición en canto a facturación que ascendeu aos 41,5 millóns de euros nos tres primeiros trimestres do 2023, o que representa o 13,7% do facturado polas lonxas galegas. Unha posición de referencia que tamén ven reflectida no relativo á produción situándose no cuarto posto con máis de 10.600 toneladas, o 10,7% das descargas rexistradas no conxunto da comunidade.
Posteriormente o titular de Mar realizou unha visita á OPP 7 de Burela na que puido coñecer de primeira man as visitas virtuais postas en marcha pola entidade a través da súa web a embarcacións pesqueiras. Esta iniciativa, presentada a finais do pasado ano, forma parte do seu plan de produción e comercialización, esta financiada pola Xunta de Galicia e a Unión Europea a través do Fempa e ten como obxectivo de poñer en valor o oficio pesqueiro e a actividade pesqueira das diferentes frotas vinculadas a esta entidade.
Estas visitas virtuais fan posible que calquera poda subir a bordo dun barco de palangre de superficie ou de arrastre de fondo de litoral poñendo a disposición dos usuarios diferentes puntos de información con vídeos e textos que axudan a comprender mellor como é a actividade que se desenvolve dentro destas embarcacións. Esta previsto a distribución do acceso destas visitas ás diferentes escolas náuticas e institutos de ensino secundario para co alumnado teña unha visión de como son estes buques de pesca.
Ademais, o responsable autonómico visitou un buque palangreiro atracado no porto burelés na que recibiu explicacións específicas sobre como se desenvolve o traballo a bordo. Durante o percorrido pola embarcación o conselleiro puxo en valor o bo facer e a profesionalidade pola que se caracteriza o sector e pola que é unha referencia internacional, cunha aposta clara pola calidade, a innovación e a sustentabilidade.
Visita á OPP
Alfonso Villares mantivo un encontro de traballo coa directiva da OPP7 de Burela para abordar os principais retos e desafíos do sector de cara a este ano acaba de comezar como o veto comunitario á pesca de fondo nas 87 áreas do Atlántico nororiental que foi recorrido pola OPP en conxunto con 16 compañías afectadas ante o Tribunal Xeral da Unión Europea (TXUE) na que a Xunta participa como coadxuvante.
O titular do Mar agradeceu a defensa desta entidade dos intereses do sector á vez que destacou a importancia de tecer alianzas con outras rexións marítimas europeas para fortalecer esa defensa ante as institucións comunitarias. Tamén sinalou que cerca do 70% do peixe consumido na Unión Europea é importado polo que resulta fundamental contar cun sector pesqueiro forte para garantir a seguridade alimentaria do continente, máis se cabe nun contexto de inestabilidade xeopolítica internacional como o actual, cun enorme impacto na comercialización dos alimentos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
