O titular de Mar destaca que se continúa reforzando os operativos despregados pola administración autonómica que, proximamente alcanzarán as 300 persoas, que hoxe reforzarán os traballos de recollida e limpeza en máis de 30 concellos afectados
Sanxenxo, 10 de xaneiro do 2024. O conselleiro do Mar, Alfonso Villares, instou ao Goberno central a deixar as escusas e reclamou que actúe unha vez que xa foi elevado a nivel 2 a alerta do Plan Camgal (Plan Territorial de Continxencias por Contaminación Mariña Accidental de Galicia) por parte da Xunta, exixencia sen a cal o Executivo estatal negábase a intervir. O responsable autonómico fixo estas manifestacións, acompañado polo delegado territorial da Xunta en Pontevedra, Agustín Reguera, e polo patrón maior de Portonovo e o vicepatrón de Sanxenxo durante a visita á rula de Portonovo na que tamén transmitiu tranquilidade ao sector pesqueiro.
Alfonso Villares destacou que a Xunta continúa monitorizando a situación a través do 112 e que xa son máis de 200 efectivos os despregados pola administración autonómica para reforzar os operativos dos concellos afectados pola chegada de pellets plásticos ao litoral. Sinalou que hoxe estábase actuando en máis de 30 concellos afectados e subliñou ca previsión é alcanzar proximamente a barreira de 300 entre persoal de Gardacostas de Galicia, axentes medioambientais e brigadas de Tragsa e Seaga. Un esforzo que contrapuxo coa pasividade amosada ata o momento polo Executivo central ao cal requiriu a comezar a poñer medios para atallar a vertedura desde o mar e así evitar cos restos de material cheguen as praias.
O conselleiro recordou que o Estado era o único que tiña coñecemento desde o día 8 de decembro do acontecido en augas portuguesas, a pesar do cal, continúa sen activar o Plan Marítimo Nacional nin o Plan Ribera. Pola contra, resaltou que o Goberno galego comezou a traballar de xeito inmediato activando o Plan Camgal e poñendo en marcha operativos de vixilancia e limpeza na costa. Nesta liña recordou que o plan autonómico xa recolle, en virtude da colaboración interadministrativa, a posibilidade que se mobilicen recursos non adscritos a dito plan en materia de loita contra a contaminación, salvamento marítimo e seguridade no ámbito pesqueiro. Por ese motivo, cualificou de “escusas” as xustificacións trasladadas polos ministerios de Transporte e Mobilidade Sostible e de Transición Ecolóxica á vez que destacou que Galicia non solicita axuda para exercer as súas propias competencias senón que reclama o Goberno central exerza as súas nese ámbito.
Apoio aos concellos
Alfonso Villares agradeceu o esforzo realizado polos concellos costeiros afectados no marco das súas competencias á vez que puxo en valor a súa actuación na posta en marcha de operativos para proceder dunha forma áxil e eficaz a retirar estes materiais dos areais. O responsable autonómico, acompañado por membros do goberno local, puido coñecer de primeira man o dispositivo despregado polo Concello de Sanxenxo que incluíu a utilización de drons por parte da policía local co obxectivo de detectar desde o aire a presenza de sacos de pellets na costa. O conselleiro trasladou o apoio e compromiso da Xunta ás administracións locais de seguir reforzando os recursos para acometer eses traballos.
Sector pesqueiro
Por outra banda, o titular de Mar enmarcou esta visita na rolda de contactos que se está a manter co sector pesqueiro que está colaborando nas tarefas de limpeza nas diferentes zonas afectadas nas que se está retirando os pellets plásticos xunto con outros materiais que alcanzan o litoral. Tamén chamou a calma e á responsabilidade así como transmitiu unha mensaxe en defensa da seguridade e calidade dos produtos pesqueiros enxalzando o traballo de promoción do consumo destes alimentos levado a cabo da man dos profesionais da mar poñendo en valor os seus beneficios para saúde. Un labor que non debe ser eclipsado por esta vertedura puntual sobre a que se está actuando para limitar ao máximo o seu impacto medioambiental.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
