Foz, 26 de xaneiro, 2024. O Colexio Martínez Otero de Foz ten o pracer de informar sobre as actividades que se levaron ou se levarán a cabo durante este trimestre. Estas actividades son as seguintes:
– Charla formativa sobre RCP: No noso colexio, tivemos a oportunidade de recibir unha charla formativa sobre a reanimación cardiopulmonar (RCP). Foi unha actividade moi enriquecedora, na que os nosos alumnos puideron aprender técnicas de primeiros auxilios que lles serán de gran utilidade no futuro.
– Día da educación: Celebramos o Día da Educación co obxectivo de concienciar á nosa comunidade educativa sobre a importancia da educación e o seu papel na formación dos nosos alumnos. Realizamos diversas actividades lúdicas e educativas para promover o coñecemento e o interese pola aprendizaxe.
– Día da Paz: O Día da Paz é unha das actividades máis importantes do noso colexio. Comezamos a xornada Eucaristía na parroquia, lemos un manifesto pola paz elaborado polo alumnado, ceibamos ao mundo a nosa mensaxe de paz guiada por un feixe de globos biodegradables e rematamos cun xogo onde moitos comercios da vila son protagonistas ao teren que superar probas en cada un deles ara completar o taboleiro de cada grupo.
– Festa da Solidaridade. Bocata solidario contra a fame no mundo: Co obxectivo de colaborar coas persoas máis necesitadas, organizamos unha xornada contra a fame no mundo. O noso alumnado e profesorado participan nesta actividade solidaria, na que recadamos fondos para axudar a combater a fame e a pobreza.
– Viaxes culturais: Durante este trimestre, organizamos viaxes culturais para que os nosos alumnos poidan coñecer e apreciar o noso patrimonio cultural. Visitamos lugares de interese histórico e artístico, como o Castelo de San Paio de Narla, Rinlo e a muralla romana de Lugo, fomentando así o coñecemento e a valoración da nosa cultura.
– Charlas: Realizamos diversas charlas sobre temas de interese para os nosos alumnos. Estas charlas abordaron temas como a igualdade de xénero, a prevención de riscos, a importancia da alimentación saudable, entre outros. Fomentamos así a formación integral dos nosos alumnos, proporcionándolles información valiosa para o seu desenvolvemento persoal.
– Entroido: Celebramos o Entroido coa participación de toda a comunidade educativa. Realizamos desfiles, bailes e actividades lúdicas relacionadas coa festa do Entroido. É unha xornada divertida e creativa, na que todos e todas poden expresar a súa creatividade e desfrutar dun ambiente festivo nunhas datas moi marcadas para toda a poboación focega.
– Día de Rosalía de Castro: Conmemoramos o Día de Rosalía de Castro, unha das figuras máis destacadas da literatura galega. Realizamos actividades de lectura, recitais de poesía e exposicións sobre a súa vida e obra. Fomentamos así o coñecemento e a valoración da nosa cultura e literatura galega.
– Día da muller e a ciencia: No noso colexio, tamén celebramos o Día da Muller e a Ciencia, co obxectivo de promover a igualdade de xénero e o interese pola ciencia entre os nosos alumnos. Realizamos actividades relacionadas coa muller científica e a súa contribución á sociedade, fomentando así a igualdade e o coñecemento científico.
Estas actividades forman parte dunha educación integral e enriquecedora, na que buscamos formar cidadáns comprometidos coa sociedade e coa construción dun mundo mellor. Agradecemos a colaboración de todos os implicados na organización e desenvolvemento destas actividades, así como o apoio da nosa comunidade educativa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
