Na súa intervención reafirmou o apoio do Goberno a través da Secretaría de Estado de Turismo para situar á comarca nas mellores guías de turismo de calidade e fortalecer este territorio como destino referente, sostible e competitivo. Isabel Rodríguez agradeceu aos concellos que integran a mancomunidade o liderado deste proxecto, subliñando que son “o paradigma da cooperación, a cohesión territorial e o entendemento entre administracións”, destacando a importancia de “ir avanzando no plan para dar maior presenza e proxección á comarca da Mariña”.
