A Mariña, 22 de xaneiro de 2024. Tras presentar a marca turística e de territorio A Mariña. Galicia de corazón o pasado 15 de xaneiro a Mancomunidade de Concellos levará a FITUR 2024 esta nova proposta de identidade e presentará a campaña de comunicación Toma o teu tempo ante autoridades, turoperadores, prensa especializada e profesionais do sector.
Toma o teu tempo será presentada a través dunha peza audiovisual que formará parte do acto A Mariña. Galicia de corazón que a Mancomunidade realizará o vindeiro xoves, 25 de xaneiro, ás 16:30 horas no stand de Galicia en FITUR. Neste evento, intervirá a presidenta da Mancomunidade, Rocío López, acompañada polo delegado do Goberno en Galicia, Pedro Blanco, a directora da Área de Promoción da Axencia Turismo de Galicia, Carmen Pita e o presidente da Deputaicón de Lugo, José Tomé para introducir a campaña e para amosar tamén a evolución dos proxectos que o Servizo de Turismo da Mancomunidade está acometendo no contexto do Plan de Sostibilidade Turística na Mariña Lucense (2022-2024) e que continúan evolucionando para acadar os obxectivos trazados.
A presidenta da Mancomunidade, Rocío López, explica que “o vídeo que se presenta no acto e que formará parte dunha serie de accións de comunicación programadas, ten o seu principal eixo inspirador no tempo da Mariña. Ese ritmo particular, tranquilo, alonxado do ruido e da conxestión doutros destinos e tamén ese tempo climático agradable que aporta a enerxía do Cantábrico e permite gozar do contacto coa natureza.
Tamén se presenta unha Mariña que sintetiza na súa paisaxe, valores e recursos, a autenticidade de Galicia e a unha terra con gran personalidade”.
López indicou que “a campaña publicitaria que se porá en marcha en 2024 con accións planificadas e moi orientadas, pretende motivar os desprazamentos ao destino nos meses de baixa demanda e atraer a segmentos considerados prioritarios, públicos obxectivos moi ben definidos compostos por turistas galegos e nacionais de escapadas slow con motivacións culturais e de natureza e turistas gastronómicos e activos”.
A Mancomunidade estará presente en FITUR desde o 24 de xaneiro mantendo diversas xuntanzas con profesionais do sector, provedores de servizos, turoperadores e axencias minoristas co obxectivo de dar a coñecer a nova identidade, promover e comunicar os produtos turísticos do destino e para coñecer e intercambiar información sobre servizos e produtos de potencial interese para o xeodestino. Tamén participará nun acto da Secretaría de Estado de Turismo para recibir un diploma de recoñecemento pola implicación e labor feita desde a Mancomunidade no marco da integración da Mariña no Sistema Integral de Calidade Turística (SICTED).
As persoas que acudan a Fitur 2024 poderán atopar no stand de Galicia, información turística sobre A Mariña, cunha nova edición do mapa-folleto e postais que trasladan xa a nosa nova imaxe de marca territorio, aglutinadora dos Concellos que conforman A Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
