A Mariña, 25 de xaneiro, 2024. Ante a grave situación que está a crear Alcoa no incumprimento dos acordos, do que a CIG vén advertindo desde hai meses, a central nacionalista considera que é necesario e urxente adoptar toda unha serie de actuacións para garantir o futuro dos postos de traballo e do complexo industrial de San Cibrao. Neste camiño, a implicación real das Administracións Públicas resulta fundamental e imprescindíbel.
O secretario xeral da CIG, Paulo Carril, asevera que os Gobernos español e galego non poden continuar na inacción “mentres Alcoa incumpre impunemente o pactado. É hora de actuar e deixarse de lamentos”. Afirma que non é certo que non se poida buscar unha saída se Alcoa non ten vontade. “Ao contrario, sempre houbo que forzar a Alcoa e mesmo impedir que executara os seus plans de desmantelamento e despedimentos”.
Pero para lograr este obxectivo, apunta Carril, “cómpre unidade de acción ante Alcoa dende bases claras e concretas e non sobre meras declaracións de intencións”.
Iniciativas urxentes
No actual contexto, para a CIG son obrigadas as seguintes iniciativas e que se desenvolvan de xeito simultáneo:
1.- Alcoa debe cumprir xa os acordos, comezar o re-arranque das series e a execución dos investimentos no forno de ánodos. Así mesmo, a produción en Fundición no volume de toneladas comprometidas no Acordo de decembro de 2021 e un calendario para a plena operatividade da planta de Alúmina.
2.- As empresas eléctricas coas que Alcoa ten subscrito PPA deben ser realidade xa, atendendo á capacidade de xeración de electricidade destas empresas, á potencia e megawatios que xa teñen adxudicados e aos datos de exportación de electricidade de Galiza, que cada ano vai en aumento. Non podemos seguir soportando a ameaza permanente de paradas de produción e peches de empresas sendo Galiza unha potencia xeradora de electricidade. O prezo da electricidade non pode ser seguir sendo unha escusa para Alcoa.
3.- O Goberno español ten que garantir que nos próximos Orzamentos Xerais do Estado figuren as partidas para que se acade o máximo que permite a UE no pago das compensacións por CO2.
Así mesmo, no prazo máximo de 9 meses debe comprometerse coa aprobación das medidas reclamadas desde hai anos pola CIG e por todo sector -e que o Estatuto Electrointensivo non resolveu-, para ter dunha vez unha tarifa industrial estábel, predicíbel e competitiva, como xa dispoñen noutros Estados da UE.
Reiteramos a necesidade dunha tarifa eléctrica galega que contemple o estabelecemento dunha bonificación directa na factura eléctrica do 30% para as actividades económicas, tal e como a CIG leva anos reclamando. En datas recentes, o Consello Económico e Social de Galiza tamén fixo súa e aprobou esta demanda con ocasión do ditame sobre o Proxecto de Lei de beneficios sociais e económicos dos recursos naturais de Galiza, promovida polo Goberno galego.
4.- Resolución na maior brevidade do expediente da DBR por parte da Xunta de Galiza.
5.- Os Goberno galego e español deberán estudar todas as accións legais e institucionais para garantir o cumprimento por parte de Alcoa de todos e cada un dos compromisos recollidos nos acordos. En especial, o referido á execución dos investimentos para a construción do forno de ánodos.
Cómpre recordar que na negociación do primeiro acordo, en decembro de 2021, a CIG demandou que os Gobernos definiran as actuacións e instrumentos necesarios a levar adiante no suposto de que Alcoa se negase a executar as inversións. Daquela díxose que non era necesario e que se Alcoa paralizaba os investimentos, existían mecanismos para facer que os efectuara. Agora é o momento de que os Gobernos cumpran co afirmado durante as negociacións.
Neste sentido, desde a CIG teñen claro que a intervención pública no complexo industrial e os mecanismos para facelo real deben ser o marco para garantir os investimentos, a continuidade do complexo industrial e de todos os postos de traballo tanto en Alcoa como nas empresas auxiliares.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
