Ribadeo, 11 de decembro de 2023. O salón de plenos acolleu a presentación do proxecto Mentalización e Sensibilización en Saúde Mental, da asociación Saúde Mental A Mariña, que organizará actividades nos centros de ensino de Ribadeo, Barreiros e Viveiro.
Desde Saúde Mental A Mariña a súa directora xeral técnica, Mª José Novoa, explicou que “eliximos este concello para presentar un proxecto novidoso, integrador, concienciador e de prevención. Este concello conta cun centro de rehabilitación psicosocial e laboral para persoas con enfermidade mental e que busca a integración dos mesmos na comunidade. Non hai máis que ver que nos elixira para deseñar e preparar con todo detalle e con moito máis cariño as cestas dos novos ribadenses”.
E subliñou que “o obxectivo do proxecto, que conta coa colaboración da Fundación La Caixa por segundo ano, é mellorar a calidade de vida das persoas con enfermidade mental e as súas familias e minimizar o estigma que supón padecer unha enfermidade mental, así como abordar as adiccións como un factor de risco claro no inicio das mesmas”.
Novoa sinalou que “este proxecto ten dúas liñas de actuación: a mentalización, traballar coas persoas con enfermidade mental e as súas familias onde se realizan grupos de psicoeducación, atención individualizada. Búscase lograr a maior autonomía e responsabilidade destas persoas no coidado da súa saúde para que poidan desenvolver un proxecto vital exitoso. E a sensibilización orientada a traballar cos alumnos e profesores de centros de educación infantil e primaria e institutos de ESO en Ribadeo, Barreiros e Viveiro para normalizar a enfermidade mental, favorecer o coidado, eliminar o estigma e os prexuízos existentes sobre ditas enfermidades, ao igual que o ano anterior estivemos a traballar en Burela, Foz e Cervo, tendo unha grande repercusión mediática e uns grandes resultados a pé de centros loitando así contra o tan temido estigma social”.
O proxecto inclúe a realización de diferentes actividades: “representaremos a obra de teatro contra o bullying Yo soy único, presentaremos o conto a Super_acción de Mauricio, creado polos usuarios da nosa entidade, de aí que siga participando o noso contacontos Lucas Requejo. Desexamos facer o mesmo en igualdade representando a obra Os soños de Adelina, loitando tamén contra o temido maltrato e violencia de xénero”.
A Super_acción de Mauricio, da man de Lucas Requejo, chegará este mércores, 13 de decembro, ao Colexio Plurilingüe Sagrado Corazón a partir das 12 da mañá. Xunto a Requejo estarán Jorge Manchado Rivero e Alin Cristian López Esteban, da asociación Saúde Mental A Mariña, que estarán xunto aos 63 nenos e nenas que participarán desta actividade.
Mª José Novoa engadiu que “desde Saúde Mental A Mariña poñemos de manifesto a importancia da educación emocional nas aulas e por iso as nosas psicólogas irán polas aulas coidando tanto a saúde mental do alumnado e do profesorado. A infancia e a xuventude, son unha materia pendente a nivel sanitario, social e educativo. A metade dos trastornos mentais presentan síntomas antes do 14 anos e tres cuartos deles comezan antes dos 24”.
O alcalde, Dani Vega, manifestou que “este acto ten por obxectivo mentalizarnos e sensibilizarnos sobre a saúde mental. Hai que ser conscientes desta problemática para poñerlle solucións pouco a pouco. É un problema grave que debemos resolver entre as administracións, colectivos e asociacións, que facedes un traballo dunha importancia inmensa. A labor que facedes en Ribadeo no voso centro é exemplar”.
O rexedor dixo: “somos pioneiros en Ribadeo en apoiar esta actividade porque estamos convencidos de que debemos investir nas persoas, pero sobre todo nas persoas que teñen un problema que debemos resolver entre todos. Cando mesturamos sensibilización e mentalización a través da cultura é dar no quid da cuestión”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
